Tuluk ram ah riantuan in a um mi Chinpa pakhat cu a rianttuannak apu (Boss) nih tulio zawtnak tihnung a ngei tiah a ruah ruang ah ramlak ah a hlonh tiah theih asi. Ramlak ahcun khuasik tuar in a riak. Lungreithei vansang au in a um. Holh le a thiam lo, zeiti tuah awk le athei lo ngakhcia kum 16 minung te lawng a si i mi nih misual ah ruah in an ka vuak sual ti thinphang in le ther lengmang in a um.

Thawngpang ttha ngaingai a simi cu Champhai ah a ummi Pi Laremsangi Khiangte le nungak Catharine Chhakchhuak hna nih cun Mawia te umnak khua ah a um vemi Pi Lalremsangi fapa Ruata Chhangte cu buapi dingin a chimh hna. Cuticun Ruata Chhangte nih cun a hawile kawlnak ding lam an tuaktan. Tuzaan lei ahkhan vantthat ah Vanlalmawia umnak cu ruah lo piin an va phan i Vanlalmawia cu an lak. Atu ah hin China i Mizo pawl an umnak ah um ter rih a si i Burma ah zeitindah kan kuat/tlunter ti an tuaktan cuahmah lio a si.

Pa Vanlalmawia harnak a tongnak ah thazaang chuah in a rak buaipitu Ruata Chhangte te nufa hna le nungak Catharine le a dangdang thazang a rak tuahtu thlacamnak in a rak bawmtu nan dihlak cungah pa Vanlalmawia nulepa u le nau nih an lungthin diklak in lunglawmhnak bia an chim. Tluang tein Burma lei zongah kan kuat khawh cawlh nakhnga thlacamnak in bawm cio rih hna u sih.

A konglam hi a mah a Unu hrimhrim nih thlacam cahnak he a tarlangh hnu ah midang zong nih an hmuh cio hi a si i China ram ah a um mi a hawile pawl nih an buaipi cuahmah lio a si tiah an chim. Atu bantuk in hlonh a tong mi hi a min ah Vanlalmawi a si tiah an chim.

Tuzing ah a konglam an chimmi : Tuluk ram ah riantuan in a um mi Chinpa pakhat cu a rianttuannak apu (Boss) nih tulio zawtnak tihnung a ngei tiah a ruah ruang ah ramlak ah a hlonh tiah theih asi. Hi kong he pehtlai in an langhter ning ah ” Vanlalmawia hi China ram, Weihai Shandong ah rianttuan in a um mi a si. February 7 in khan taksa nuam lo bantuk in a um i a thawchuah a har deuh, a hrawm ah thil pakhat khat nih kham sehlaw cu bantuk phun cu a thawchuah zong a har. A hmasa ahcun a rianttuan nak in Sizung ah an kal pi i a sining zong a ttha deuh ngai nain Febuary 13, chun suimilam 2pm hrawng ah a rianttuannak a pu le nih cun motor in an phorh i ramlak, mizei hmanh an um lonak hmun ah a hlonh.

Hi an hlonh tlawmpal ah phone in kan chawnh i innchia ngai mi, Zuunput chung ah ka um ko tiah a chim, a si nain a hnubik kan chawnh ahcun Inn a tthing ngai cang mi, mizei hmanh an um ti lonak ah ka um ko tiah an kan chimh tthan” tiah a Unu nih cun a chim.