Tukum Kawlram Thimnak Kongah “KNU” Nih Ti Bakin Cathanh An Chuah Cang

Myanmar News

By Salai Van Lian Thang: KNU cathanh – Karen Miphun Party kuang cingcing ah mee sanh ding an ti. Karen Hriamtlai phu- KNU tuanbia ah a tang te lai. KNU hi Tlangcung hriamtlai phu lakah dapti a pah hmasami le thingkung bang kan i bochan tawnmi an si. Manerplaw cu dohthlennak tuahmi hna kan London a si tawn. London um Mizo hriamtlai (MNF) hruaitu Pu Laldenga bia kaa khat “awkhum mi” an tlunpi mi nih Mizoram ah Congress Party cozah a kaiter. Cu nih MNF le India cozah kar “remdaihnak” kutka pi a hun! Kum 30 a kal cang.

Image may contain: text

Tlangcung miphun nih tulio ah kan kawltung phaknak ding ah lampi pahnih kan ngei – cucu hriamtlai in ramkhel le thimnak in ramkhel (armed struggle and electoral politics) an si! “Dothlennak(Tawhlanzi)” tuah lio caan ah Tlangmi ca ah cun “electoral politics” hi “party politics” sawhsawh a si lo, a biapi ngaimi “miphun ramkhel le ram politics” a si. KNU nih mah hihi an i fiang ti a hung lang. NCA minthu an si. Nain chim a herhmi cu ralṭha tein a caan te ah an chim. Hi Kawl miphun nih hin Tlangmi kut ah “power” ngaingai hi an chia duh bal lo.

Parliamentary Democracy chan (1947 Phunghram) ah pohmah 197 in an kan tlaih. Pu Za Hre Lian, Chin Congress Party le U Nu, Pha-sa-pah-la cu fakpi in an rak i su! Tuanbia ah U Nu mui a chiatter ngai. Dikfelmi zauk phung (Disciplined Democracy) chan (2008 Phunghram) kan hung phan i pohmah 261 in an kan tlaih ṭhan. Dr Aye Maung, Arakan National Party le DASSK, NLD cu fakpi in an i su! Zeidik an lawh te lai.

2020 thimnak hnu an ṭhinh lo ahcun boruak sualsannak a tam khun te lai. Hihi cu an taza lo tuk ka ti! Democracy phung kalh in Tlanghram kiken le rili tawne tiang nawlngeih dih khi an duh. Hi hna thil an kalpining hi chanbia thlir in lungfim tein tlaih thiam khi a hau. Hi cu party he aa pehtlai lo; tlangmi a si poah dihlak he aa tlai. Time to rise above partisan interests! “Power” hi cu kan tei hna zong ah phung upadi phunphun hmang in an kham rih te men lai. Nain, “mandate” a biapi tuk, tuahnak nawl, လုပ်ပိုင်ခွင့်. “Mandate” cu kan miphun kut chung ah him tein chiah khi a hau.

USA cu ramhulh 13 nih sermi. Netherlands ram cu ram pali (Netherlands, Aruba, Cracao le St. Maarten) i komhmi. United Kingdom cu ram pali (England, North Ireland, Sotland le Wales) i fonhmi. Union of Burma cu ram pali (Kawlram, Kachinram, Chinram, Shanram) nih sermi. Hi thlarau muru hi a biapi. Panglong khua ah “bia” in kan ram an rak lak, tutan “mee” in kan ram hi an kut ah kan ap rih ko lai maw timi i hal hi a biapi.

“Mandate” kan miphun kut ah a um ahcun an khelruh phelh bantuk a si. “Aanaa” an kan pek lo zong ah kan Chinram le kan vawlei cu kan kut chung ah a um ti a langhter. Nay Pyi Daw in an kan uk zong ah anmah ta kan si lo ti khi a hmuhsak. Kawl le Vai nih kan cung ah nawl an ngeih zong ah kan miphun aiawh in chimnak nawl cu an ngei kho lo timi hmual a ngeimi message khi a phorh lai. “Political Mandate” (Ramkhel Nawlngeihnak nawl) nih miphun hmaizahnak mithmai limhang a ngeihter tawn. Cu nih iapkhawhnak (awzaa) a chuahter. Politics ahcun cucu a biapi. Political Dialogue lio ah hin a biapi khun!

Mandate kan kut a um ahcun: CND ah hnutlar ah an kan ṭhutter ti bantuk kha a um ti lai lo. “Power” lawng si loin “mandate” zong an kutah kan chiah caah mah bantuk kha a cang. Shan–SNLD le Arakan–ANP nih an langhter. “Power” cu an pe duh hna lo. Nain, “mandate” cu an kut chungah a um. Cu nih iapkhawhnak “awzaa” le “teih-kha” limhang le thlahu vangpa a ngeihter hna.

Hriamtlai bu caah “awzaa” cu ralkap thazaang le kuan le zencing hna in a ra men lai. Political Party ca ah cun “mee” in a ra. Tenat sungphiat vs meezung sungphiat! Pahnih in i thuanh ah a ṭha. 2020 thimnak hi miphun pakhat ca ah “aanaa” ca lawng ah a si lo, “awzaa” limhang ca zong ah a si. “Power” lawng a biapi lo, “mandate” hi a biapi hringhran!

KNU nih dapti a hun kan pahpi ṭhan. Rev. M. Thawng Kam cabia i ka rel-lung asi ngai. Thlarau lei kan pa le zong Adam bang daiziar in an um ti lo-kan lung aa lawm. Biatak a chimmi cu biatak nih a luatter hna lai. Sawhsawh a chim mi cu sawhsawh in an dong tawn. Biatak chim le aupi caan a si. Laknak: Chin National League for Democracy – Hakha-Thantlang

Leave a Reply