2018 kum ah a cangmi thil a sinain a tulawng ah fehnak ter an tuah. Chungkhar nu bik Nataliya Kolb kum 26 le a hawipa Viktar Syarhel kum 48 cu zu an ding ṭi an din dih hnuah a fanu thla 8 mi Hanna cu an vuak i Coka ah namte lakin a lu an tan. A pasal Leonid kum 28 cu inn lei a rak lawi i thi le hnai lak i afanu ruang cu a celh hrimhrim lo.

Pawngkammi an innpa hna nih palik an chawnh cawlh hna i lainawngtu pahnih Natalya le Viktar Syarhel cu an tlaih hna i thla 8 mi te lawng a si rihmi Hanna taksa cu vuaknak hliamhma kum 46 an hmuh. An nupa karlak i buainak cu an langhter lo nain pawngkammi an inn pa hna nih an chim ning ah cun a nuam ngaingaimi chungkhar an si i an fale zong tipilinnak (baptize) a ngei kami te an si. Fa pathum an ngei cang i ngakchiabik a simi Hanna cu hringtu a nu le a hawipa nih an thah tiah an chim.

 

Natalya Kolb i a hawipa Viktar Syarhel cu thihdan pek a si i, Natalya cu kum 25 chung thongthlak a si lai. Thihdaan pek a simi hna cu an ram president Alexander Lukashenko sinah ngaithiam hal kawh a si i a ngaithiam hna ahcun an luat lai nain nun chung thongthlak an huah ve ṭhiamṭhiam lai. Cu ve bantukin Viktar Syarhel zong an ram president sinah ngaithiam hal dingin an ti nain a duh lo. Asinain a hawikom hna nih a konglam ceihpiak ṭhan dingin Supreme Court ah ca an kuatpiak theih a si.