Coronavirus updates 25 April ah Center for Systems Science and Engineering at Johns Hopkins University hna nih thanhnak an tuah ṭhan cang. US ram chung ah hi zawtnak in a zawmi an tamning cu tuksapur ngaingai a si ko. Tuzing ah an thanh ṭhaning ah cun US ram chung ah hi zawtnak in a zawmi hi minung 889,000 renglo bak an si cang ti a si.

Kan theih cio cang bantuk in US ram zong ah in a zawmi paoh an check kho dih hlei ve hna loh i a cozah nih an thlop kho cawk ve hlei hna loh. Center for Systems Science and Engineering at Johns Hopkins University hna nih data an khawmhning in vawleicung ah hi zawtnak in a zawmi hi minung 2.7 million renglo bak an tling cang ti a si. Cu chung ah hi zawtnak ruang a thi cangmi hna hi minung 195,000 renglo bak an si cang tiah an chim.

An chim chih rihmi cu a ngaingai tiah cun data kan khawmh khawhmi nak in hi zawtnak a ngeimi le a thihpimi hi an tam deuh lai. Zawtnak an ngeih le ngeihlo hneksak khawh cawk lomi le ram cheukhat nih thil a sining taktak in a chim lomi zong an um lai tiah an chim chih.

Kan hnu lei December 2019 ah China in ai thokmi zawtnak novel coronavirus (COVID-19) nih vawlei ah a chuah pimi chiatnak hi vawlei tuanbia ah philh awk a ṭha ti lomi a si. United States hi zawtnak a tam biknak ram a si i minung 889,000 leng nih zawtnak an ngeih cang. Cu chung ah minung 50,890 hna nih an thihpi fawn cang. Ref: ABC News

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah le J Van Duh Thar ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.