Tuchun Coronavirus Update: US Um Laimi/Chinmi Ca Zongah Thinphang Taktak Si Cang

World News

Tuchun Coronavirus Update: US ah coronavirus in minung 14 an thi cang, minung 13 hi Washignton State in a thimi an si i, a dang pakhat hi California in a si. Zawtnak hrik a ngeimi minung 233 an si i, zawtnak hrik an hmuhnak state hi 13 a si cang. Kan umnak Maryland Montgomery county ah coronavirus in a zawmi minung pathum an um ti a si. Kum 70 chunglei minung nuva hna le kum 50 hrawng a simi pa a si an ti. Mah hna hi ramleng an va tlawnnak in an tak ah virus hrik a kaimi a si i February 20 ah US a hung phanmi an ti.

No photo description available.

US ramchung i, Washington State, California le Maryland State ahcun emergency declaration an chuah cang. Cozah nih biatak tein an tawlrel lio a si. President Donald Trump nih coronavirus khamnak, thlopnak le damnak le si-ai sernak caah US$ 8 billion renglo a hal i, congress nih 8.3 billion an pek i, tuchun ah minsen a thut cang. State cheukhat ahcun coronavirus khamhnak si an sermi vaccine zong an hniksak cuahmah cang.

Image result for Coronavirus usa

Ralrin Ding: 1. Na kut thiang tein ttawl lengmang. Kut ttawl hi khamhnak tha bik a si. 2. Kan taksa kua chung in a lutmi si caah na hnar kua, na mit, le na hnakhaw tongh lo izuam. Rawl ei hrimhrim ah kut in ei lo ding. 3. Mi kut tlaih hrial khawh izuam. A herh lo ah mi kut tlaih lo ding 4.Shopping kal, puai kal iranril hau. Leng na chuah i na kir le cangka na kut chapiat in thiang tein ttawl lengmang ding A herh lo ahcun leng chuah lo ding a si lai. Credit: Salai Lairamthang

Leave a Reply