Tuchan Hla Phantu Nih An Phuah Mi Hla Pathian Hla Kan Timi Hi A Dik Lomi Bak Si

Theihtlei

Biafang Tlingte in Kan Chim Lo Ruangah Sullam Dang Pi Ah A Kal. Cucu “Pathian thangṭhatnak hla” timi le “Pathian hla” timi kong hi a si. Holh biafang tling lo le a tawinak in Pathian hla kan ti tawnmi hi Pathian nih maw hla a phuah? timi lei ah a sullam mer piak khawh a si.. Hi hna Deborah, Barak, Marry, David le Solomon le Vanmi hna nih Pathian hla an sa ti a si bal lo. Pathian thangṭhatnak hla an sa ti a si. Tuchan hla phuah thiam nih an phuah mi hla hi Pathian hla kan ti tawnmi hi a dik lo.

Image result for song voce"

Pathian nih hla a phuah lo hla a ngei lo pi. Minung nih amah Pathian thangṭhatnak ca i phuah tu a si caah Pathian thangṭhatnak hla ti ding bak a si. Pathian hla ti lawng kan timi hi cu kan palh ko rua. Cun vanram ngaihnak hla te hna, hi vawlei nun harnak hla hna le, mi entainak hla le bang Pathian hla kan ti hi cu kan palhnak a zual chinchin.

Pathian thangṭhatnak hla ti le, Pathian hla ticu aa khat ko cu ta! kan ti men lai. Cucu kan ruah taktak lo caah a si. Fiang deuh in; Pathian cu Bia lawng a chim mi a si caah Pathian bia kan ti ahcun a dik. Hla cu caangkhat te hmanh a phuah bal lo caah Pathian hla kan ti awk a si lo Pathian thangṭhatnak hla ti phung a si. Aa khat ko cuh kan timi hi aa khat hrimhrim lo. Hei ruah thiam chom lawngin khah termi a si. Cattialtu: F Bawi Khamh

Relchih. Kan Lai Hla “Pathian Hla” Hi A Karh Ngai Ko. Nain A Ttangcho Kho Lo: Tu lio hrawng cu Lai Hlaphel Pathian hla chuahmi le zuarmi a tam ngai. Ngaih cawk lo cawk cawk lo tlukin kan i chuah khawh. Kam khat in Laimi mino nih hi bantuk Pathian hla chuah hna an lung a thawh hi kan i lawm tuk. Fial hau lo tein Pathian an duhnak te in an chuah tawnmi hi thangtthat awk an tlak ngai ka ti. Asinain kan Lai Hla hi Quantity cun Kum 2010 hnu in a karh a rang ngai kan ti nain a Quality in zoh tthan tikah kan tthangcho tuk lem lo. Kan Hka hi Revival hla deuh an si a phuahtu zong hi Evan deuh nih an phuah.

Image result for solfa"

VCD in an chuah cio tikah Pathian hla cu ho poah nih kan duh set lo zong ah thazaang pek le mithmai zoh in cawk peng a si. Pathian hla a si caah tlawm kan ngai kho. Asinain an hlaphel chung i an hla le cawlcangh zoh tikah ‘ ttah pah, mitthli tlak pah, Pumh lio Haleluijah aunak , laamnak ‘ hna an hei si ko. Ngaih awk nakin zoh awk in ai chuah deuhmi kan tam caah Hla lei ah kan tthangcho ruam hlei lo. Hi hnu zong ah hi ti ning hin kan si ko la. 1. An hla aw kal ning ai khat nawn dih. 2. Biafang biapi kan chiah nain Hla aw ah Hla phuahthiam hna phuahmi an tlawm. 3. A biafang a tthat poah cun ai sak khawh poah ah a za ko kan ti.4. Hlaphuahtu hi min nei lemlo nih caan rem an hmuh in an ti khawh tawk hla an chuahpiak hna tikah kan hla hi ngaih awktlak a um lem lo.

Aw tha Hlasa kan tam ngai nain an sakmi hla hi International level in zoh tikah Quality cu a um bak lo. Crusade le campaign le biakinn tu ahcun man a ngei ngai ko rih. Kawl hna in, Mirang hna in Music hna in ngaih tlak cu a um lem lo tluk a si. Lai Hla phuahthian pawl nih Pathian hla an chuah set ti lo. A ruang cu Revival hle phel a tam tuk cang. Mipi le tar upa pawl zong nih Mitthli tlak pah in aw hninghno nawn sakmi hla phun nih kan lung a kan lak deuh rua.

Lai Hlaphuah thiam: 1. Herh Lian 2. Hniang Ceu Ling 3. Za Thawng Cin 4. Ci Lian
5. Ceu Bik 6. Hrat Hmung 7. Lian Hrin 8. Lai Ram Hu. Adangdang ka philh pah hna. Hi hna hi Kan Lai Hla Thanchotertu Hlaphuah thiam an si. Anmah hna hla um lonak Hlaphel cawk cu kai hnek ngai dah lo cun ka cawk lo a tam. Nai hrawng an hla a leeng tuk ti lo. Kan ngai ko cang. A sau hi vial in. Kai lawm. Credit: Charles Ram Hnin

Leave a Reply