President Trum dirkamhtu tha ngai a simi Senator. Rand Paul fiang ngaiin Republican upa dirhmun a chim. ” Senate Republican upa nih Trump impeachment article an vote lai lo. House Speaker Nancy Pelosi nih Trump sualnak a kawl lioah Pepublican a kan thleidannak tuk” tiah a chim.

” President Trump impeachment kongah bi a fiang cang tiah ka ruah ko. Republican upa nih an vote lai ti ka zum hrimhrim lo” tiah a chim chih. Nihnihni ah President Trump impeachment kongah biaalnak or debate an ngei cang lai. Debate hi February thla chung tiang cu a rau men te lai. Republican upa nih cun caan sau tuk lak a herh ah an ruat ti lo.

Republican Senator hi 53 an si i Democrats hi 45 an si. Independent hi 2 an si. Trump impeachment khawhnak dingah Vote 67 ( cheu thum cheu hnih) vote a hau. Republican lungthin aa thlek ngai cang ko caah Trump dawi an timhmi cu a pakpalawng si ko lai.

Paul nih a chim thanmi cu “House nih a kan tuahto ning kan theih ko buin Republican upa nih an vote ahcun khuaruahhar ngai a si lai” tiah a chim than. Senate Judiciary Committee Chairman Lindsey Graham hna nih cun “American mipi caah a ttha cemmi cu a rannak in hi democratic dawhcah lo ziaza donghter hi a si” a ti.