Trump Nih U.S Ram Caah Biapi Taktak In A Ruahmi Zong Biden Nih Fawituk In A Hrawh Diam

World News

US ralkap ah nupa sinak aa thlengmi zong ttuan angah cang lai. Former president Donald Trump nih US ralkap ah hin Nupa sinak aa thleng Transgender hna cu ttuan le luh khawh asi lai lo tiah order arak chuahmi cu President thar Joe Biden nih ahrawh diam cang. Hi bantuk in phunglam Trump nih arak tuahmi Joe Biden nih a vun hrawh tik ahcun US ralkap ah hin transgender zong ttuan angah cang lai tinak asi.

Difficult to attack vanilla': Trump's throwing everything at Biden, but nothing is sticking

Hi phunglam hi Donald Trump nih president sinak arak tleih kum ah thanhnak arak tuah colh mi asi. Nain Biden nih president rian avun tleih bak in mah phunglam cu ahrawh colh ve. Hi konghe pehtlaiin White House nih thanhnak an tuahmi cu President Joe Biden nih ralkap tlak or ttuannak kongah gender identity hna nih dawnkhantu ah hman dingmi asi lo. America tthawnnak cu mikip funtomnak ah aa hngat mi asi tiah tiin an langhter.

Hi konghe pehtlaiin Defence secretary thar asimi Lloyd Austin nih thanhnak atuah ve mi cu hi kongka ahcun kan department nih rian ttuan colh a si lai tiah a chim ve. Hi kong thiamthiam he pehtlaiin aliamcia kum 2017 ah twitter hmangin Donald Trump nih medical lei he pehtlaiin sinak aa thlengmi hna cu America ralkap ah cohlan an si lai lo tiah arak ti.

Cu hnu ah kum 2019 April thla thok in mah phunglam cu rak hman asi. Asinain transgender pawl US ralkap a ttuan cangmi hna cu pehzulh in ralkap rianttuanter an si. Transgender ralkap konghe pehtlaiin Palm Center nih data alanghter ning ah cun kum 2019 ah khan US ralkap lak ah nupa sinak aa thlengmi hna hi minung thongriat, zakua, sawmriat 8980 an um tiah an langhter.

US President thar Joe Biden nih mah phunglam Donald Trump nih atuah mi kongah hin aliamcia caan khan bia arak chim lengmang cang. Hi phunglam tuahmi cu hrawhtthan asi ko lai tiah a rak chim cang, Culawng siloin office athut hnu ah Trump phunglam tuahmi Mexico ramri vampang chonnak siseh Muslim ram tthenkhat US luh khapnak hna zong Biden nih ahrawh colh hna.

Relchih: President A Tuan Ti Lomi Tazacuai Cu Sullam Nge Ti Maw? Nancy Pelosi hruaimi, House Democrats pawl nih President Donald Trump Impeachment an tuahmi cu nizan ah Senate ah tazacuai ding in House Managers pawl nih an chuahpi mi cu Republican Senator pawl nih President Trump cu President in a dinh cang caah US phunghram ah mah bantuk tazacuai khawhnak lam a um lo tiah Senator Tex Cruz le Marco Rubio hruainak in an dohkalh caah debate an tuah hnu ah tazacuainak pehzulh ding le pehzulh lo ding thimfung an thlak i, Republican senator minung 5 nih Judah Iskhariat rian an tuan caah vote 55-45 in an sung. Cucaah President Trump tazacuainak cu pehzulh dingah bia an khiah.

President Donald Trump a leirawltu Republican Senator minung 5 han cu, Lisa Murkowski of Alaska, Susan Collins of Maine, Mitt Romney of Utah, Ben Sasse of Nebraska and Patrick Toomey of Pennsylvania hna an si. Senator Rand Paul nih Democrats pawl nih an thil tuahmi cu sullam ngei lomi a si. Impeachment an tuhmi zong aum ti lomi a si. mit hleh tuah, hruh le molh rumro a si, Impeachment timi cu President a tuan lio mi hna lawng tuahmi a si” tiah a chim.
Senator Marco Rubio nih Fox News ah a chimmi cu “hruh bia le caan dih sawsawh a si, American mipi caah thathnemnak pakhat hmanh a um lomi a si, taza an cuaimi zong a um ti lomi a si” tiah a chim.

Senator Lindsey Graham nih cun “ house I impeachment an tuah lio ah zeihmanh tet-te an chuahpi mi le tet-te tha tein an auhmi hna zong pakhat hmanh a um lo, hnawh thlorh in an I hnawh. Mah bantuk democrats pawl thil tuah cu US democracy le President a tuanmi hna caah tihnung a si. Suimilam 50 chungah tet-te pakhat hmanh um lo, lawyer sihni zong President nih ihlan manh lo in impeachment tuah cu democracy ram ah a phung a si lo” tiah a chim ve.

Tuzarh chung ah hin, Senate nih President Trump tazacuainak summon ca an chuah lai I an pek hmasa lai. President Donald Trump cu zarh khat chung timhtuahnak an pek lai I, February 2 ah President nih tazacuainak summon an tuahmi cu a leh hna lai, mah nih thiamthiam ah tazacuaitu House managers hna nih pretrial brief an tuah ve lai. February 9 ah President Trump nih pretrial brief a pek ve lai. Mah cun tazacuainak cu thawk colh a si lai.

President Trump tazacuainak biachahnak a tuah dingmi cu Senator minung 100 an si. Senate ah Democrats le Republican minung 50-50 veve an um. Minung 67 nih a sual tiah vote thlak a hau. Republican minung 17 nih President leirawl in an kal taak a hau hnga. A si kho lai maw? a si kho lai lo. A tam bik ah minung 5 lawng nih an kal taak lai. Cucaah democrats pawl nih tazacuainak an tuahmi hi sullam a ngei lomi a si. An tuah khawh lo dingmi an tuah sawsawh le a si. Credit: Salai Lairamthang

Leave a Reply