A ho nih dah teinak “president” a hmuh lai timi cu nihin tiangah a fiang kho taktak rih lo. Mipi tam deuh nih cun Biden nih a tei ko lai ti hi zumh le ruah cio sinain president Trump nih hnu tolh hrim aa tim ve lo. Teinak hmu dingin hmai nawr peng aa tim ve.

Khat leiin bia a chuak tthan mi cu,”Tutan US president thimnak ahhin Media nih Biden dirpi in Biden tthawnnak lawngte an langhter i, Trump nih a teinak paoh mipi hmuh khawh lo dingin an hnawhpiak ti si fawn. Cu lawng si loin atu lio Social Media nih hman bik mi Twitter le Facebook nih cun Trump nih a teinak hmun paoh an hnawhpiak i, Biden teinak lawng mipi hmuh dingin an langhter” ti si fawn.

Hi kong he pehtlaiin president Trump zong nih hnu lei tolh duh loin hmainawr in teinak ka hmuh lai’tiah a chim lio ah Biden zong nih Inn Raang a luh ni khatnak ah thil pali tuah hmasa dingin aa timhnak cu a langhter colh ve. A teanglei ah zoh khawh si.

Luther Tin Hre: Trump nih sunghkhan a tim rih lo. Twitter ah hitihin a tial: “Vote checknak kan tuahmi ah thancho lei kan panh chin lengmang. Hmai zarh in thawngpang kan theih cang lai. Kan tei lai. MAGA” tiah a tial.

Biden nih Inn Raang a luh ni khatnak ah thil pali tuah aa tim ve: Paris Climate Accord ah kan lut than lai; Trump Muslim khammi ka let than lai; World Health Bu ah kan lut than lai; DACA ka nunter than lai a ti ve. Biden nih US pi cu retheih a pek chin lengmang ko lai hih!