Admin||05 Biangreithlep |04|2020||US President Donald Trump nih Covid-19 hi China Wuhan khuapi Institute of Virology lab in aithokmi le ai ṭhekmi a si tiah a chim phuan diam ai. Trump nih hi Covid-19 pulrai zawtnak hi China, Wuhan Institute of Virology lab in aithawkmi le ai ṭhekmi a si ti a chim nain zeitindah aithawkning a si ti cu a chim/langhter ve lo.

White House i kum fatin an Biangreithlep ah an hman tawnmi “Older Americans Month 2020” hman a si i hi kum upa lei hna he caan hman ṭi a si tawn. Cun kum fatin kum upa hna caan an hman ah an tlangtaar hi “Make Your Mark” ti a si tawn. Cu ka i caan an hmannak ah Trump nih Covid-19 hi China Lab in aithawkmi le akarhmi a si tiah a chim. Asinain zeitindah a karhning le aithawk ning a si ti hi fiangfai tein a chim duh lo i chim phuan caan a phan rih lo tiah a chim.

China, Wuhan Institute of Virology lei nih cun atu bantukin US nih an puh hna nak cu a dik lomi a si tiah an i phehchih ve. Thiam sang hna nih cun hihi Wuhan i Market in aithawkmi a si tiah an zumh i saram sinin minung nih an ilak tiah an zumh ṭhan ve.

Trump nih hi zawtnak hi China Lab in aithawkmi le akarhmi a si tiah a chim nain US Secretary of state Mike Pompeo nih cun zeitindah a karhning aithawkning a si ti ka theih lo tiah a chim ve. Mike Pompeo nih cun China, Wuhan Lab ai thawkmi a si maw ti cu ahohmanh nih fiang tein an theih lo i Wuhan market in aithawkmi le akarhmi a si zong ahohmanh nih kan theih kho hlei lo tiah a chim ve. Source: VLN