Trump Nih A Hlawh Ramri Vennak Caah A Hlut Dih, CNN Poll-In 71% Mipi Nih US Economy An Thangtthat

World News

Trump Nih A Hlawh Ramri Vennak Caah A Hlut Dih, CNN Poll-In 71% Mipi Nih US Economy An Thangtthat

US President Trump nih a hlawh US$ 400,000 cu US Homeland Security caah pek dih in, ramri venhimnak dingah hman a si lai. Cun, a cheu cu Veteran Affairs, Small Business Adminsitration, National Health & Human Services caah hman chih a si fawn lai.

Hi kongah CNN nih bochan mi hna le rinhtlak mi hna minung 1,003 hna sinah Opinion Poll tuah in, minung 71% nih cun Trump nih US Economy a sersiam (Doing Well) tiin an thangtthat i, 27% tu nih cun a ttha lo (Poor) an ti ve i, 51% nih cun a ttha lei (Positive), tiin, 42% tu nih cun Trump ruangah a si lo, tiah an chim tiin langhter a si. CNN-SSRS Poll hi March 14-17 karlak ah tuah mi a si.

Image result for trump

President Trump nih cun US-Mexico ramri ah phungning loin US luh atim mi minung 75,000 hna cu a luancia thlachung ah khan kham le tlaih an si tiah a chim i, Hi bantuk in dirpinak thinlung a ngei lomi hna an um le “Invasion” timi bia a huami hna cu khuaruahhar ngai an si a ti. Immigration & Custom Enforcement (ICE) hna nih cun US-Mexico border ah minung 75,000 hna cu kham le tlaih an si.

Christchurch, New Zealand hmun i Muslim thlacam lio ah minung 50 kaptu BRENTON HARRIS TARRANT nih hi bantuk in a tuahnak ruang hi Donald Trump ruangah a si tiin Democrat US Presidential candidate si a timtu Senator Kirsten Gallibrand nih cun a puh. Vawlei cung Muslim hruaitu tthenkhat zong nih Trump cu “White Supremacist a si i, amah ruangah thil tlungmi a si a si” tiin an sual an phawt cio! Terrant hi Trump thiltuah le biachimnak nih a nun a thlen (influence) tiin, an chim fawn.

Hi bantuk thil hi a tlun taktak a si ah cun Donald Trump cu vawlei cung minung nun influence-tu kho bik ti khawh a si lai. Sinain, White House Chief of the Staff Mick Mulvaney nih cun Christchurch le Donald Trump pehtlaihnak a ngei timi bia hi hngakchia ruahnak, nih chuak men a si” tiin “Donald Trump cu White Supremacist a si lo” tiah a chim. Mah kongah Trump zong nih US National media-hna nih keimah an ka dohnak “FAKE NEWS” men a si,”tiah a chim ve.

Leave a Reply