US President thimnak 2020 ah party pakhat le pakhat faaktukin zumh lonak le i puhnak a chuak lai. Biden cu White House ah teinak hmutu si lai. Asinain Trump cu mah thimnak a dih hnu zongah mipi thinlung a la/hip kho bik tu a si lai. Republican party nih thimnak a dik lomi cu faak piin doh, an cawlcang peng lai. Sinain thimnak result cu aa thleng hlei lai lo. High Court zongah Trump cawlcanghnak vialte cu hnawnpiak in pakpalawng ah a chuah lai.

Donald Trump cu a zungzal in a minthannak a lang chin lengmang lai, chanhchuahtu tiangin ruah a si lai. Trump-a sunghnak a ruang bik cu sahrang ram tundinhnak a thawknak lawng asi. (will lead to ‘rise of the Kingdom of Antichrist) Vote hi a dik lo tuk timi hmuhchuah a si lai nain thimnak cu tuah tthan loin amah ning tein kalpi a si ko lai, mah hi vote a dik lo tiin an chimmi hi 2021 tiangah kalpi peng a si lai.

Trump TV dinh a si lai i, Fox TV he hmunkhat ah rian an ttuantti lai. Trump TV shows cu minthang taktak ah aa chuah lai. “Trump nih cun a luancia mi nakin biaknak lei hi a runven deuh chinchin lai. Joe Biden biachim mi nak in amah biachim mi cu mipi thinlung ah rian a ttuan deuh lai.

Note: A cang laimi bia phuan timi hi tampi a dikmi um lio ah a dik lomi zong tampi a um ve. Britain rammi simi HAMILTON PARKER- nih a cang laimi a phuan chungnak hi tampi a tak ah an dikmi a um caah tutan ah vun phuan mi hi kan vun tarlanghnak a si. Trump ttanhtu thinlung damnak si hram seh…

Relchih: Tuchun cu US President Donald Trump White House in a chuah le President thim tharmi, Joe Biden Inauguration a dongh tiang ka zoh. Khua a phunphun a ka ruahter. Democracy ahcun ruahnak i khah dih phung a si lo caah kan i khah lonak tete i theihthiam le i ruahthiam a herh zia tampi a kan cawnpiak. Kan duhmi President a chuah caan a um lai i, kan duh lomi President a chuah caan zong a um ve lai. Zei paoh hi an chia dih lo i, zei poah hi an tha dih fawn lo. Minung a simi paoh a tlingmi kan um lo. Asinain kan chiatnak le kan thatnak tu a dan bia a si.

Zei paoh hi Pathian nih a pekmi caan chungah a nung dihmi kan si. Hmailei US rampi zei lam a panh lai kan hngal kho lo, A hngaltu cu Pathian lawnglawng a si. Chiat lei kan panh ah siseh, that lei kan panh ah siseh Pathian timhtuahmi a si tiah lungsak khawh izuam cio hna usih.

Tuchun ka lungah a caam bikmi cu President Donald Trump nih White House in a chuah lai teah, ca pakhat a tial [ note] i President thar Joe Biden cabuai cungah a chiah ta ti a si. Mah cate cu zei ko dah a tial hnga tiah theih ka duh ngaingai. Joe Biden nih a chimnak ahcun ” dawtnak, velngeihnak le zawnruahnak a telmi ca” a si tiah a chim. Reporter nih zeidah si? tiah an hal i, amah ka chonh hmasa lo ahcun ka chim rih lai lo” a sin ah lunglawmhnak chim ding ka ngei” tiah a leh hna.

White House Press Secretary thar Jen Psaki nih tuzan lei ah a voikhatnak Press conference a tuah i, a chimmi zongah zei bantuk ca dah a si tiah reporter nih an hal than i, Jen Psaki nih,” It was both generous and gracious” tiah a chim thiamthiam. Keimah lawng si lon midang zong nih mah cate cu theih le hngalh an rak duh ciomi a si.

President sinak biakamnak a tuah dih hnu ah nizan i ka tialmi phun 17 kha President Executive order hmangh in a chuah colh. President Donald Trump policy phun 17 cu a khupthal a leh dih manh. President thar Joe Biden nih a chimmi cu,” US mipi dihlak caah President ka si lai” tiah a chim bantuk in kan dihlak caah a tha bik in President a tuan khawhnak dingah thlacamnak in bawmh cio hna usih. Cattialtu: Salai Lairamthang