Hi kong hi tuan ah ka rak langhter cang. US Election cu buainak a thok ka lawng asi cang. Wisconsin GOP hna nih election final result chuah lo dingin Emergency Petition an tuah cang. State Supreme Court ah final result chuah rih lo dingin Wisconsin GOP hna nih kham an timh. Hi konghe pehtlaiin facebook ngeitu Mark Zuckerberg nih tangka a thawhmi cu Absentee voting timi an mah a um lomi hna zaka ah vote tampi thlaknak caah an hman ti asi.

Tutan ah GOP nih case an tuahmi ahcun vote ningcang loin tuah le thlak asi caah Joe Biden nih vote 20,608 a hmuh tiah an langhter. Election ah result dang a um khawhnak dingah rianttuan asi tiah Wisconsin Republican Party Chairman Andrew Hitt nih a chim pin ah Trump campaign hna nih counties pahnih ah vote reltthan ding in an tuah tiah a chim chih.

Tutan ah a lang tharmi: Mah hi US thawngzamh hna lakah zumh bakmi NTD bak nih a langhter ning cun Facebook CEO Mark Zuckerberg le a nupi nih US thimnak caah $ 400 million an hlut tiah ati. Mah an hlutnak hmun hi Trump le Biden nih biatak tein an i zuamnak battleground states tiah auhmi hmun ah asi. Mark le a nupi thil tuah hi US thimnak kong he pehtlaiin phunghram buar asi tiah an ti cang.

Hi an hlutmi phaisa hi zei bantuk caah dah an hman lai, zeiruang ah dah battleground states ah hi zatzat phaisa an hlut timi kongah Mark le a nupi cu atu dirhmun cun luat dawh an si ti lo. Kan theih antukin Zuckerberg hi Trump doh in Domocrats a tttanh bakmi asi caah Trump cu facebook nih hremnak a pek lengmang nak asi. Nai zongah nawlngeitu nih biahalnak ceilak an rak tuah cang. Tutan cu Zuckerberg hi phungbuar asi caah luat dawh asi ti lo. A cunglei kan langhter bantukin Trump doh in Biden dirkamhtu hi an rak tam hrim ko hih.