Trump Caah Thawngchia Taktak A chuak: New York biaceih zung nih kum 8 chung President Trump Tax Return record zohpiaknak nawl pek ding in bia an khiahmi ‘subpoenes’ cu pu Trump nih a duh lo i 2nd U.S Circuit of Appeals ah nawlnak a tuah. Nain Judges nih an cohlanpiak lo. An hnon/reject piak ṭhan.

Pu Trump nih lungdong lo in Supreme Court SC sin ah a nawl ṭhan hna. SC nih an ceihpiak hau cang. SC nih an khampiak duh lo sual ahcun President Trump hi buainak tampi a tong kho i kum 2020 thimnak zong ah sunghnak a phakter khotu a si kho. A ruang cu, tax return a tuahmi ah lih le hrokhrol in a tuahmi tampi a um kho tiah zumh a si.

Relchih: Zahan Nov. 14, Nilini zingka ah kum 16 siangngakchia pa; Nathsniel Berhow nih Los Angeles i Saugus high school ah minung 2 thi lak in a kah hna i minung 2 hliam faak ngai an tuar i sizung ah an thlop lio hna. Meithal kaptu pa hi nikum ah a pa nih a thih taak mi a si.

A pa hi a thih hlan ah zu ding tukmi a si rua i chungkhar ah buaibainak umter tawn dawh a si an ti. Cucaah kum 16 pa nih hin hi bantuk ruahnak ṭha lo le lainawn duhnak lungthin a ngeih hi si kho men tiah an ruah. Ref: The Chin Voice