Trump A Thin Aisum Kho Hrimhrim Ti Lo China Caah Thinphang Taktak A Si Cang

World News

US President Donald Trump cu a tulio pulrai zawtnak Coronavirus ai thawkning le a chuahning kongkau ah China cungah a lungtling lo taktak. Cu ti a lungtlin lonak cu a pehzulh lengmang i China le US an i pehtlaihnak vialte phih/chah a timhin a hrocer taktak cang. China cungah Trump a lungtlin lonak bik cu China nih Covid-19 ai semchuahnak kong biathli a thuh, biadik taktak phuang dingin a ti lengmang nain China nih a serchuahtu ka si lo thuhmi zeihmanh ka ngei lo tiin lehnak a peng ve. Cu ruangah a thinhun khunnak zong hi a si lai ti ruah bik a si.

Trump wanted to double China trade tariffs after latest retaliation

China ram, Wuhan khuapi in ai thawkmi thawkmi, Covid-19 zawtnak hi vuleipi a buai lulh in a chiah cuahmah lio a si i, cawnnak zongah pehzulh kho loin le rian zong tuan kho lo tiangin ramkip a buaiter lulh. Cu lioah US hi atu lio dirhmun ah Covid-19 zawtnak a ngeimi an tambik nak hmun a si. Atu tiangah a thimi hi 80,000 leng an si cang i zawtnak a ngeimi hi Millions 1,503,684 leng an kai cang.

China looks to become blockchain world leader with Xi Jinping backing

Trump nih Corona Virus aisem chuahning kongah China nih biathli thuhmi a ngei cu hleiah a sining taktak a phuang duh lo tiah voitampi a rak lunghrinh cang. WHO zong Corona Virus kongkau ah China he pehtlaihnak an ngei tiin phaisa (fund) a pek tawnmi cu a phih phah. US cu Wuhan Laboratory ah ramdang ai-awh hna in a kal i, Coronavirus a chuahkeh ningcang dothlatnak tuah onh dingin voitampi nawlnak a tuah ko nain, cucu China nih a duh loh.

Donald Trump: China's Xi Jinping on Hong Kong protests

Nithum i Fox Business News nih biaruahnak an ngeihnak ah President Trump nih China cungah thil tampi tuahnak an ngeihnak kong le China he an i pehtlaihnak vialte a phih/chah dingin a chim. China President Xi Jinping nih cun US he an i pehtlaihnak a ṭhatnak kong a chim ve. Asinain atu lio dirhmun ahcun China cungah a lungtling lo tuk ruangah China President Xi Jinping zong a chawnh duh lonak zong Trump nih cun a chim chap ve.

Leave a Reply