Trump te party a si vemi Nebraska state senator Ben Sasse zong nih Trump cu fak ngai in a tongh ko. Republican party an si veve nan. Trump le a minung pawl nih January ni 6 i Congress nih electoral vote rel ding le fehter ding kongah buainak le dohdalnak kan tuah lai an timi cu a doh hna i a soisel hna. A timi cu Trump nih Biden thim a sinak a dohmi le a pom lomi hi phaisa a kawlnak a si a ti rih.

A chim rihmi cu Trump le a mi pawl nih Biden thim a sinak an doh lengmang mi cu “mei” he lente an i celh a si a ti rih. Mah an tuahmi hi ttih a nungtukmi timhtuahnak a si a ti rih fawn. Trump te nih thimnak an pom lomi le an dohdalmi nih zeihmanh thlennak a chuahpi hlei lai lo a ti. A chimmi dang a tam ngai. Trump le a minung tlawmpal nih January ni 6 le ni 20 ah harnak, buainak, le hnahnawhnak an tuah ahcun Biden US president a ttuan hnuah Trump hi harnak a phun2 a tong te lai.

Cei tein teirul an cham te lai. Dai tein um sehlaw a thiam deuh hnga. Laipawl tam deuh nih Pathian thimmi le hmanmi an timi cu buainak, hnahnawhnak, le harnak tuah le chuahpi lawng a thiam ko ne hi. Bawi Zisuh cu remnak, daihnak, ruahchannak, dawtnak, ngaihthiamnak, toidornak, lungsaunak, dinnak, nunnemnak, le luatnak a phurtu, a sertu, le a chuahpitu a si nan mu. Trump bantuk thinlung put le ziaza a neimi ttanh le dirpi zonghi pialsual/kalsual phunkhat a si ve ka ti kei cu. Ref: GRCM