President Trump cu Biden nih a hun tei deuh kan ti lai cu, mah caah a lungthin vaivuan phun in a um cang. A facebook ah ca vohnih taitai a ṭial cang. Atu dirhmun ahcun President Donald Trump nih electoral vote 270 a herhmi chungah 213 a hmuh cang. A dang electoral vote 57 a herh rih.

Biden hi atu tiang ve rih ahcun ruahchannak a hung tam pah ngai. Electoral college vote 270 a duhmi chungah 238 a hmuh cang caah electoral vote 32 lawng ngah a herh cang. Michigan electoral vote 16 le Wisconsin i electoral vote 10 a hmuh ahcun Joe Biden 270 a tling lai tei khawhmi dirhmun a phan kho.

Atu ah Trump nih atu lio i a tei cuahmahnak Pennsylvania electoral vote 20, North Carolina 15, Georgia 16 le Alaska 3 a laak hmanh ah hin 54 lawng a si i, a dihlak electoral college voite 267 lawng ngah dawh a si. Cucaah Michigan hi Trump nih a tei hrimhrim a herh ve. Michigan a teimi poah nih President tlin dawh a si.

Trump nih cun,“zahan zaan cu keimah nih Democrat hruaimi le a tlaihmi state pawl ah teinak ka hmuh. Cun vote (mee) pawl an rel i pakhat hnu pakhat in khuaruahhar tuk in mee an relmi cu atlau thluahmah. Khuaruahhar tuk a si, cun “vote reltu pawl” nih adih lakin an palh i dih, a liamcia caan zongah an palh peng,” tiah Facebook ah a ṭial.

Nizaan zongah hitihin a ṭial rihmi,“ Kan ṭhawng kan tei cang. Asinain annih (biden te cu) cu vote an timh. Kan tuah (firter)ter hrimhrim hna lai lo. Vote hmunhma an phih hnuah vote hlak khawh a si ti lai lo,tiah Facebook ah a ṭial ṭhan.

US thimnak kong he pehtlai in thawngpang dang rak rel chih: US election cu ka zumhning tein Bidden nih tei dawh in a um. Michigan nih lai a rel te lai. DEMOCRATIC lei nih an ttih ngai bantuk in Trump nih tuzing ah “ka tei cang” a von ti tikah Trump nih Trump nih white a chuah tak a duh lai lo i, US pi a buai kho tiah an timi zong hi khat lei in thinphang ngai a si ve.

Bidden a tling ahcun Malaysia le India ah Ralzaam caah good news a si lai i, Kawlram ca zong ah good news a si kho. Amah belte US Ram chung ah a ummi ca tu ahcun aa dang theng lai lo. Kan umnak Canadacaahhin Trump nakin Bidden a ttha deuh lai an ti cio ve i, Eu le US Hawikom Ram tampi nih Bidden an duh deuh ve. Asinain Israel caahcun Trump sungh ah Israel sungh bantuk in an ruat ve lai. Caṭialtu: Zasang Cinzah