Tottenham Caah Thawngchia Taktak, An I Bochan Taktak Mi Kane Hmuh Khawh Dawh Si Ti Lai Lo

Sport

Tottenham Caah Thawngchia Taktak, An I Bochan Taktak Mi Kane Hmuh Khawh Dawh Si Ti Lai Lo

Tottenham caah thawngchia taktak. Nizan ah Champions League Quarter-final first leg chuih a si i, hi puai ahhin Tottenham nih 1-0 in teinak an hmuh nain suttung bantukin an i hngat chan mi Harry Kane cu hliamtuar ruangah dinhter a si.

Kane a hliamnak zawn hi theih khawh a si fawn lo i, tutan season ahhin cun a mui kan hmu kho lo men cang lai,”tiin Tottenham manager Mauricio Pochettino nih cun a chim. Kane le City player Fabian Delph hi an i suk caah Delph nih a ngalrek ah a lamh caah a tu bantukin hliam a tuarnak a si.

Tottenham manager Mauricio Pochettino nih Kane konglam a chim ning ahcun Kane hliamhma hi fiang tein kan theih khawhnak dingah ttha tein check up nak ngaih hmasa a hau lai, Ka ruahnak ahcun tuan a rak i hliamnak kha a si kho men tiah a chim fawn. A poituk hringhran, Kane hliam ruangah tu season tiangin a hnuarsuan khawh dih. Mah hnu caan rau lo tein a sining fiang tein kan theih khawh cang lai.

Tottenham nih hin tutan zerh ah dongh Premier League puai-ah Huddersfield he an chuih lai i, mah hnu ah Mancherter City he a peh in puaihnih an chuih tthan lai i, hmaizerh ah khin Champions League second leg-ah City he an i phomh tthan lai.

Harry Kane hi tukum January ah khan atu bantukin hliam a rak tuar caah thlakhat chung chuih kho loin a rak i din bal cang i, Tutan ah ruah lo ngaiin hliam a tuar tthan tikah sau nawn hna dinh hauh sual ahcun Tottenham caah cun ruahchannak a tlawm ngaingai cang ti nak a si.

Leave a Reply