Top Finalists Pawl An Cawlcangh Ning Zoh Cim Lo Bak An Si, An Thiam Law Law: Video: Tutan Myanmar Idol Season 4 top finalists hna cu an thiamthiam kho taktak. Myanmar Idol Themes Song an sakmi le an cawlcangh ning cu uar an um kho taktak. Thiam hlei an um lo, an i tluk ruang kho taktak hna. Video tangbik ah kan rak chiah.

Relchih: Esther Dawt Chin Sung: Chin mipi hna nih Rose Pangpar bang i kan bihzûn mi le Fiakfai Vate le Thareng te bang, Aw dawh zai tin remh a thiam mi, Lai/Chin Leng dawh Esther Dawt Chin Sung hi, tutan Myanmar Ram Pumpi Idol i zuamnak ah Top fanalist a vun kai hnu bak in cun, aa dawh a zual khun i, iang a ngei khun hringhran ko, a muisam dawh iang ngei Rose Par bang.

Lai/Chinmi hna nih kan zoh cim khawh ti lomi le Fiakfai Vate le Thareng Aw khing dawh te bang, a Aw dawh khing riaimai te kan ngaih cim khawh ti lomi hi, a ho Valpa ṭâng tangah Par bang uai te lai maw.? Chin miphun kan min a kan ṭhat tertu le kan hmai a kan hngal tertu, Par dawh bang uai tuan dingah cun kan in siang rih hrim lo ee.. Rose Pangpar bang na Par dawh te kha, Chinram le Chin miphun caah Par peng rih ko law, Fiakfai Vate le Thareng Aw khing dawh te bang, na Aw khing dawh te kha, Chinram le Chin miphun hna kan caah kan awnh piak lengmang rih ko sawh.

Myanmar Idol Winner si ding zongah naa tlak hringhran ko, tutan Myanmar Idol i zuamnak i na cân a tâng rih mi zongah hlawhtlinnak na co ṭhan khawh rih nak lai, na miphun hawi Chin mipi hna nih kan umnak hmun viau in, thla za camnak he kan rak in bawmh lengmang ko e ti hi rak thei peng ve law, Nusal, Kamlo chuncha bangin rak dir lengmang ko tiah, lunglawmhnak nganpi he thazaang peknak biazai ka vun ṭial ṭhan ee..!! A duh nih ka phai len ko hna seh, ka zei a poi lo, hlawhtlinnak na co khawh kha ka duh bik mi a si ko. “Fighting” Credit: Thangtea Hnialum