Tlangvaal Pa Hnin Thang (kum 33) a tlau chungkhar lungrethei in an um

Chin News

Mitlau Kawl Bawmhhalnak. Malaysia Facebook hawi le hna ka nau pa Pa Hnin Thang (A kum -33) a hmu mi le a umnak athei mi nan um sual ah cun a tanglei phone no le Messenger ah hin thawng rak ka thanh te uh tiah kan nawl hna.

Pa Hnin Thang

Lamhlat ah rian a tuan nak in kan pehtlai khawh tilo nak caan asau cang caah chungkhar lei nih bawmhhalnak thawng kan rak thanh mi si. Facebook hawi le vialte nih Share in rak ka bawm ve uh tiah kan nawl hna. Chungkhar lei nih dam te in a um ko timi kha thawng theih kan duh bik mi cu si. Salai Pakhia: 012-6775291. Kuala Lumpur, Malaysia. Salai Pa Khia

Thawngpang dang rak rel chih! Ni 4 chung a tlau mi Pu Ceu Hlei Thang ngandam tein an hmuh than cang. Thantlang Peng Thlualam ram ah thing-ah putnak in 2020 October 24 ah a tlau mi Pu Ceu Hlei Thang (kum 33 a si) cu October 28 ah ngandamte le himbawm tein an hmuh thang cang, tiah October 29 ah kan theih.

Image may contain: 1 person, sitting, shoes, hat and outdoor

“A tlau ning hi amah nih a chimnak ahcun muithla (mithla) a si ko lai a ti. Zaan an riahnak ah hin thawngpang a theih lengmang. A hawipa kha i thial usih, a ti nain a duh lo. A thaizing ahcun a tlau diam. Ni 4 hnu ah Tlangrua khualei ah a va chuak i atu bantuk in an hmuh hi a si.

Image may contain: 1 person, tree and outdoor

“Hi a tlau chung vialte hi Salen khuami, a bik in Vambai khuami nih an chawva le caan pek in an kawl. An cung ah lunglawmhnak tampi kan ngei ko. Pathian nih thluachuah pe chin ko hna seh ti hi kan thlacamnak a si,” tiah chungkhar lei in upa pakhat nih The Hakha Times ah a chim.

Pu Ceu Hlei Thang hi ramtang ah ni 4 chung a um tik ah kedan aa danh lo i a ke cu a tlek ngaingai nain a ngandam ko, tiah kan theih. Atu bantuk mitlau hi Thantlang khuami zong ni zeimawzat a tlau hnu ah hmuh a rak si bal ve, tiah kan theih. Source: Hakha Times Daily Newspaper

Note: Pa Hnin Thang a chungkhar lungrethei in an um. Tuan ah an hmuh khawhnak hnga SHARE in bawm cio hna usih!

Leave a Reply