Vawlei ramkip ah a ummi Chin miphun hna Malaysia ah ralzam dirhmun in a ummi accident tong mizaw harsatnak a tongmi caah bawmhnak kan in hal than hna. Malaysia Lokeyew sang ah a ummi tlangval Cung Bawi Bik cu a luancia mi October 5, 2020 ni ah khan lam a tannak ah Motor nih a pah i a ke pakhat a kiak. Lungfim loin anbulance nih sizung ah an rak kalpi.

Sizung a um lio ah a hohmanh pehtlaihnak a tuah kho hna lo. A phone ai ken lo caah ho hmanh pehtlaihnak a tuah kho hna lo. Cuticun mi bawmtu hna nih an inn ah an rak chiah. A ke ai hliamnak a dam kho hlei lo i Ampang sizung ah kal than ding a si. Ampang sizung nih a tlawmbik RM – 25,000 a dih lai tiah an rak ti. Sizung kalnak ding tangka a ngei lo ruang ah a tu hi lungrethei le vansang in an inn ah a um lio a si.

Chin Youth Organization Malaysia ( CYOM ) sinah bawmh a rak kan hal i CYOM President le Secretary nih an va zoh i a konglam le thil a ton ning tlamtling in an hal hnu ah vawlei cung ramkip ah a ummi kan miphun hna sinah ralzam dirhmun in harnak a tongmi Cung Bawi Bik caah bawmhnak kan in hal hna. Nan sian tawk cio nan kut rak samh ding in bawmhnak kan in hal hna.

Malaysia ram cu nan theih bantuk in kan mah ram a si lo pinah a tulio covid – 19 a karh tuk lio a si caah biatak tein mipi kan cawlcang kho hna lo. Malaysia ram chung ah a ummi kan Chin miphun hna sin zong ah bawmhhalnak cabawm zong kan rak in phaw kho hna lo. Cu ruang ahcun online tu in nan si khawh tawk nan rak bawmh cionak lai upatnak he zangfah kan in nawl hna.

Ramthumnak ah a ummi Chinmi hna zong nih CYO upa hna sinah bawmhnak kuat khawh kan si. Malaysia ah a ummi hna zong nih Bank card in siseh, sangkip ah a ummi CYO upa hna sin ah siseh bawmhnak tangka kuat le pek khawh kan si.

Miphun dawtnak le zawnruahnak he kan nau kan hawi a simi Cung Bawi Bik damnak ding caah nan kut nan rak samh cionak lai CYO nih zangfah kan in nawl hna. Cung Bawi Bik cu Thantlang peng Tlangpi khuami a si i Thantlang ah khuasami a si. Kum 2012 ah khan Malaysia a rak phan. A tu Lokeyew sang ah a um lio a si.

Accident ton ning: Kan Unau a si mi Malaysia ralzaam in a um mi Tlangpi khua Pu Ngun Ceu (tleicia) le Pi Sui Ci (Thantlang khuasa) hna i an fapa Cung Bawi Bik cu 5/10/2020 ni ah ramlak meh-hang a zalh nak in a tlun pah ah mawtaw nih a pah i a ngal hmun thum in a kiak.

Siizung a phanh hnu lawng ah a lung a fim caah a pah tu a ho a si zong a hngal lo i siizung lei in zei hmanh tuah piak awk a tha ti lo, cun operation tuahnak le siizung um nak phaisa zong zei hmanh a ngeih lo caah siizung in an ttin ter. A hma fah a celh lo caah siizung ah va i piah dingin a kal than tik ah cozah siizung ah cun khoikaa hmanh ah i thlop na ngah ti lo an rak ti i zei hmanh tuah piak loin an rak khirh than caah private ah a va i piah.

Operation tuahnak ah a tlawm lei in Malaysia phaisa Rm 25000 hrawng a dih lai an ti caah Malaysia khuasak bu cun zei ti hmanh in a mah pumpak cun aa thlop kho ding a si lo caah ramkip um miphun hawi nih dawtnak he $10, $20 cio tal in nan kut nan raksamh ve cio nak lai upatnak he kan in sawm hna.

Pehtlaihnak : Pu Tial Thang ( President ) – 0169838147. Salai Sang Ceu Lian ( Secretary ) – 01124272191. Mai Hannah Sui ( Treasurer ) – 01161811950. Mai Sui Men Thluai ( Imbi )- 0166075802. Andrew Tum Tling (Cheras ) – 0105697881. Mai Men Par Iang ( Pudu ) – 601127172129. Pu Thawng Hlau ( Puchong ) – 0179371884. Doris Par ( Lokeyew ) – 601121388870

Gofoundme timi hmeh piak law, bawmhnak  pek khawh a si lai. Cun, a cunglei i pehtlaihnak kan chiahmi ahhin pehtlaih khawh an si lai.

Note: A cunglei langhtermi pehtlaihnak pin ah na umnak he aa naihmi CYOM riantuantu sin paoh ah pek khawh a si lai. Chirhchan-CYOM

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan tialmi hi areltu mipi caah thathnem santlaih, theihtlei ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan tialmi kan palhnak a um cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he-Admin