PEACE KONG LE FEDERAL KONG AH KNU AW-AN: Ral ngol le Kahdaih nak lawngin Ram pi zungzal a dindeih khawh lailo. Tlangcung mi hna Federal State pek lawng lawng hi pakhat le lawng aum mi lam asi. Panglong Thutiam bantukin Tlangcung mi Mah tein khuakhan Lairel nak nawl pek lawng ah Dindeih nak he akhat mi le Athancho mi ram nuam ah kan sersiam khawh lai.

Cuti locun Singapore lonh cu chim hlah. Kanphan kho lailo. Miphun hrapcheuh he lawng kahdaih nak senthuh nak zawng in Dindeih nak ngah khawh asi lo. Tlangcungmi hruaitu vialte le Hriamtlai vialte he Ral ngol hrim hrim a herh. Miphun vialte, Biaknak vialte, Nunphung vialte, caholh vialte, Fimcawnnak vialte, Ngandam zohkhen nak vialte, Ngeichia i phawt zam nak vialte, tbk ah i tluk ruan dih cikcek nak locun miphun hna karlak le tlangcung mi le Kawlmi karlak ah i hmuhthiam nak le i theihhngalh thiannak, tbk zong aum khawh lailo.

2008 Phunghrampi an remh mi zong hi tlukruan dih nak le Tlangcung mi hna Federal Democracy lei deuh vak in remh ding tu ansi. NCA i biakam senthuh nak le hnatlak nak asi mi Federal Phung in ram kan uk lai timi le I tlukruan nak,tbk konglam vial te kha Hultdaw lutpi ding. Cu khawh in Upadi serh ding. timi kha NLD cozah nih azulh lo.

Cucaah NLD upadi remh mi cu Tlangcung mi caah cun pakpalawng le thlitu lak ah a vaivuan ding mi minmei le Favai batuk cio men khi an si ko. Zeitintiah annih kawl cu Federal an herh lo. An hal bal fawn lo i hmailei zong ah an hal lailo. Cucaah Kawl party chungtel Tlangcung mi Upa le Hruaitu hna nih Federal kong hi hlutdaw ah an hcimphuan lo bantukin Siter ding zong ah an i zuam ballo nak asi. Hmai lei zong ah an chimhrel fawn lailo. Kawl Party tang um an si caah anmah Party Policy le duhning tu in Ukhruai in an kal pi dueh tawn nak aruang cu hi hi asiko. Tehte tampi herh lo. Miphun kip le holh phun kip kha kawlram mipi le Kawl cozah hna nih theihhngal bak le cohlan bak a herh fawn. Cu phunghrampi le Upadi in hauhruang fek tein sak ding asi.

Cucaah Miphun vialte zeizong za ah i tlukruannak Zeizong teah zalon nak le free si nak Nun cungnung Mah tein Ukhruai nak Khuakhan Lairel nak le Biaceih khawh nak Zalon tein Chimrel le phuan khawhnak zalon tein Zumh le Biak khawhnak Zalon tein Sipuazi le thanchon nak lei ah cawlcangh khonak tbk kan ngah i kan tinco hnu lawng ah Dindeih nak taktak cu a hmuh co ding kan si. A cunglei konglam hna kha Foundation in lak in Upadi ser le ramh loin Zungzal dainak le raltuk lo a um khawh lo. NLD nih a chan a tangrih mi hi hna hi ai hmaithlak lo ahcun zumh ti hlah u. Mipun Party tu kha vote cang hna u ti asi. Credit: Irrawaddy News. Saya Rung Kaw