Rohingya Genocide cu Kum 10 lawng asi. Tlangcungmi Genocide cu Kum 70 asi cang: Israeli Salcan tawibik cu Kum 70. Russia Dothlen nak kum70 ve. Tlangcungmi chanchuah tu ahodah asi lai. Rohingya Genocide asi nakcu kum 10 lawng asi rih. Chin miphun le Tlangcung miphun hna Genocide kan si nak cu Kum 70 leng asi cang.

Khamh kho tu ah kan I bochan mi NLD chin cozah le Chinmi Upa hna le NCA bu 10 nih Zankhat Lunglen ruang ah ṭangdang an kan pom tak cang. Pu Hrang Nawl le John Mang Tling ka ngai riangmang hna. Tuzan cu dahngai ka thlavai kian tuk ai. Sihni Lian Uk nih Tange pian cang ti asi. 87 kum si men lai. Sihni Thio Cin atar ve cang US. Ṭial Tin Ṭhai pa Sihni Pu Hre Lian Kio adam tilo. USA ah aum ko. Pu Nun Uk Tin Sung pa le Pu Khua Thawng zong an tar ve cang. Hakha le Thantlang in Politicians ka theih tawk te lawng asi.

Chinmipi dirkam kho tu nih le Si-An-Ep le Ramdang ah nan um dih. Pu Bawi Lian Mang le CHRO kan bochan hna seh kati ṭhan. Nain Paletwa hrawng Hrang le AA ruang ah acang mi Nuhrin covo buar nak lawng asi deuh. Babilon tiva kam Zion ngai in kan ṭap nak le Innhliam kung ah ṭinṭang kan bak nak kum 70 atling cang. Genocide kum 70 kan si cang. Hi cung in chanchuah khotu hi Tutan Xmas tal ah hin a chuah kho hnga maw?

Ramdang lei ummi kan pa le kan mifim thiam hna tal nih Chinmi le Tlangcung mi hna Genocide asinak (Kawl cozah NLD telin) Nurhin covo an buar nak, Justice le ICJ,ICC lei ah kan ṭanh zungzal nak thanca tal rak kan chuah piak ve uh tiah Special request nan si. Jeremiah a mithli ahul khawh lo hmanh ah ngam ve cang seh. Genocide le ICJ kong ah NLD upa Dr hna le Phuntungtu hna aw-an Epchun nak

Genocide timi hi Cihhmih thahnawn nak le Kahthat nak lawng hi asi lo. Genocide Convention nih Hmuitinh mi phun 4 angei. Cuhna cu: 1. Nationality-Ram miphun 2 Race-Cikor Miphun hna 3 Ethnic-Tlangcung miphun hna 4 Religion-Biaknak bu. Hi phun 4 hna hi hloh ding in timhlamnak, Acheuchum tein tlau le holh ding in tuahserhnak, tbk hna nih khan Genocide asi ter cang.

Biatak tein tukthahnak chim hau lo, Timhlam (Intent) ciamam in Cihhmih nak lam lei zulh kan I timh ahkhan Genocide asi cang. Thah le nawn kha cu chim awk aum ti lo. Namneh thlanglamh nak, Ningzak thlainak, an lung rawk ter nak, tukvelh nak, hremnak, thi chuah ter nak, tbk tuahto nak le tuahto ding in timh lam nak zong Genocide asi ve.

Mah pumpak nih tuah lo zong ah Genocide siding in forhfial nak, thazang pek nak, I hmuh ter lo nak, I hngilh ter nak, Hmur I cip nak, tuah hlah uh tiah daiter lo nak, Siter lo nak ding ah khamh lo nak le thloh ding in daithlan nak, tbk vialte cu Genocide an si dih. Atawi nak in, Abubu in tlikzam nak, Mibu pakhatkhat fangei kawh lo ding in tuahser nak, Hmun khat in hmun khat lei ah Ngakchia hna tarual tlikzam nak hrim hi Genocide bak asi cang. (Professor Dr. Myat Zan)

UN nih Nuhrin covo nabuar tiah ralril apek hi kum Tamtuk asi cang. UN Meeting kip ah Nuhrin covo le Genocide (Tlangcung mi phun he pehtlai in) sualphawt lengmang asi ko. Aum lo cuh. Asi lo cuh. Tehte tlinglo he sual nan kan puh sawh sawh ati salam. Hitler nih Jew miphun a rak thahnawn hna ah khan “We German Stand With You” Hitler lei ah kan dir zungzal lai tiah an rak ṭhokkhan ve.

Pi Ci ICJ a kal cu Ramkip he I rem tein um khawh ding le pehtlai nak ṭhat terding ah a kal mi asi lo. Mipi sandah piah cu Tulio tiang hmanh Rakhine le Shanram ah acang cuahmah ko mi Nurhin covo buar nak faktuk in aum lio ah Genocide sitertu lei ah kan dirh tiphun in he aalawh cang. Ahohmanh nih an chimh lo zong ah Nuhrin covo phisin cu cozah kip I ṭuanvo asi. Kanram ah acang cuahmah mi Nuhrin covo buar nak le Genocide tu phisin loin ICJ ah Genocide kansi lo tiah vai phisin ding cu Lungchan minung he aalawh mi miphun ah vawlei pi nih an kan hmuh lai. (Mai. Cherry Zahau- Nuhrin Covo rianṭuan tu)

NLD le Kawlram mipi: Vawlei cung Kawlram mi umnak poah ah sandah an piah hna. Piah thluahmah an I timh rih. ICJ zung tiang in 200 hrawng nih zulh an I timh rih. We Stand With You le We Stand With ASSK. Na sin ah kan ṭanh zungzal lai. Pi Ci kan dirhpi zungzal lai tihi an au mi le capar an I put mi an si hna. Genocide nawlbia abuar. Genocide Daiter ding ah akhul anuar tuk, afumtuk, athloh hna lo, tbk in tazacuai kan si nain ARSA nih an buar mi le adang Bangali nih anbuar mi vialte cu an langhter lo aathup rih ko. Hi lio can ah Mipi duhpi nak sandah piah cu ram mipi kan rian asi ati. Miphun limhang cuaisan le kanrian kan 1e6dxuanmi tu asi. (Dr. Soe Win Oo: NLD Secretary, Yangoon Division)

UN le Nuhrin covo phu: Genocide siter nak le sitertu, Genocide Convention nawlbia buar tu cohlan Ṭhokkhan bantukin asi cang. Pi Ci hi Ṭhokkhan hlah u ti si lo in Justice timi Biatak lei ah kan dirh zungzal lai. Misual cu asual ning tein sualphawt le dantat siko sehtiah Mipi nih sandah piah ding tu asi. Hi ruang ah hin Ramkip le vawlei pumpi nih an zumh lo nak a zual chinchin. Thil pingpalo le luu le taw aalet dih kho men tiah an than ve cang. Saya Rung Kaw