Tlangcung Party MPs pawl 2008 Phunghrampi remhnak ding cawlcangh caan! NLD nih Phunghrampi remh ding point 114 a chuahpimi ah tlangcungmi/federal kong dalkhat hmanh ai tel lo. 45 Committee ah Tlangcung Party pawl nih dal 2,000 leng an chuahpimi zong cu NLD nih Bill Draft ah a chiahpiak duh hna lo. Cucaah Parliament ah bill in phan lo-hnon a si kan ti lai cu. Cucaah tlangcung mipi/party pawl an lungfak tuk.

Cucaah tlangcungmi kongkau le federal kongkau Parliament ah Phunghrampi remhnak ding upadi-hran (draft bill) ah chuahpi khawhnak dingah tuzan ah Nay Pyi Taw ah Tlangcung Party ngan pa sarih chungin MP 20 leng cu ceihmainak ka tuahpi hna. An lungtho ngai i kan tha a nuam ngai. A rauh hlan ah kan ceihmaimi catluan upadi remhnak bill ahran le cawlcanghnak hna cu mipi theih in a ra te lai. Hlawhtlin le tlin-lo tucu Pathian nawl si ko seh. Thlacamnak he kan bawm hram uh. Credit: Salai Ceu Bik Thawng

Relchih: Federal Chim Lo Democracy Hmanh A Duh Lomi Party Sin Cakuat: Dear Federral cu chim lo Democracy hmanh a duh lo mi Party sin ah cakuat: Ralkap 25%: Myanmar ram himnak caah rian kan tuan tiah na ti mi cu kan upat ko hna. Miphun le ram kilhkamh nan duh duhnak cu kan uar ko hna nain nan kuilhkamh ning bel cu ka lung nan hring. Miphun le ram nan dawt taktak ko ahcun ziah 25% nih thutden nan i ham. a ho mipi nih dah an pek hna. nanmah 25% ruang ah ram le miphun a daw mi hna nih mipi thanchonak le duh mi zauk phung an ser kho lo.

Hihi maw Miphun le ram caah rian kan tuan nan ti mi cu a si. NLD cozah a kai hnu ah NLD belnaang thuh duh ah Tlangcung hriamtlai phu he kah hram nan thawk. ICJ tiang na phak ter. a taktak le ngaingai ti ahcun ram le miphun caah nu can le pacan pei nan si cu Tlang cung hriamtlai hna hi fa le bantuk in zoh kehnh I an duh mi lehlam pek kha nan rian a si. Democracy le Federal he aa pehtlai mi phunghram remh nan duh lo mi nih pohmah 261 remh ding nan rak ti mi kha kan rak i zumh sual deng.

USDP: Miphun le ram caah tiah rian nan tuan mi cu kan u pat ko hna. miphun le ram ca rian nan tuan ning bel ka lung a hring. mipi a temtawn tu phunghram remh na duh mi hi kan herh mi a si lo, kan herh mi taktak cu zauk phung he aa pehtlai mi phunghram remh kha a si. naite ah pohmah 261 remh ding hmanh biatung na dirh ko ah ziah March ni 10 nih ah chuah pimi phunghram pawl khi remh nan duh lo. kan rak i zumh sual deng, a cheu nihcun an i zumh sual cang hna. Federal Democracy nan kham chung pohcu kan ram thanchonak rian nan tuan kho fawn lai lo i Federal ramkawmh zong hi chim len ti hlah u,

Mipi nih an herh mi zauk phung lei ah tha na pek ahcun nan tuan ding mi rian 50% cu mipi nih kan i tuan khawh ko lai. Asinain cucu nan duh lo caah mipi kan herh tluk in rian nan tuan kho lo hi. Cozah na tlaih lio hi Phunghram na ser mi le phunghram remh kong ah 75% tlin lawng ah remh khawh ding upadi na rak ser mi cu NLD le Tlang cung mi Democracy zauk phung a dirpi tu Party hna khamnak pei a rak si ko hi. Federal Democracy ser a duh mi hna Party khamtu 75% phunghram na ser mi cu mipi kan kut le ke na kan tem tulk a si ko.

Dr. Ngun Cung Lian: Lai mi nih cathiam le mifim kan in ngeih mi na si. CNF/CNA ah rak um law na miphun ngan a ram dam deuh men ko hnga. ramdang ah fimnak na cawn mi kha Chinram nih thlaza kan in cam piak mi le fahnaing muisam hmuh lai bang kan i ngaih tuk lio ah Democracy zauk phung a duh lo tuk mi Chin mi kan ral ngan Party ah na va fawnh. ka thin phan mi cu, Chin miphun kan sining le kan duh mi, kan i timhtuah mi vialte ralkpa lei Party ah na van chim lai i Chin miphun cung ah an zer chinchin lai i Chin mi nih kan duh mi hmuhnak ding lamcan na sauter lai ti hi kan zumh pah ko.Atu na umnak Party caah cun vitamin thabik na va si ko cnag lai i Chin Miphun caah ruahchannak lam a bi men cang lai. Credit: Rolian