TLANGCUNGMI KAN LUNG AARUAL AHCUN COZAH KAN SER KHAWH CANG LAI ‘COALITION GOVERNMENT’ Carel lo i Ruahnak in Commend loding

Cozah aser khawh lomi Party hmetete le Tlangcungmi Party pawl cu mee pee hna hlah u. Cozah aser khawhmi Partypi pahnih asimi NLD le USDP tu kha mee pek ding asi tiah 2015 election lio ah fak taktak in politic an rak tuah. Atu 2020 Election a van naih ruangmaang cang tikah mah Party Lian politic cu fak chinchin in kan van theih tthan hoi cang.

Tlangcungmi Party nih Cozah aser khawh maw ti hi kan tuak cang lai. Ahring khawh in Asen cun Asen khawh in Ahring timi theory nih a kan simh tuk cang. Tlangcungmi kan lung aarual ahcun Partypi pahnih ‘USDP le NLD’ tel bak loin cozah kan serkhawhnak lam aum ko tihi chim le ceih ka duhmi asi. Cozah serkhawhnak ah abiapi cemmi cu President chuahkhawh hi asi. 2008 Phunghrampi ning ahcun President cu Union Hlutdaw nih thim asi.

Union Hlutdaw ah Seat 664 aum i hmun 7 ah election an tuah khawh locaah Total Seat 657 aum. Tlangcungmi ‘State 7’ chungin Pituh Hlutdaw Seat 116, Amyotha Hlutdaw Seat 84 TOTAL Seat 200 kan ngei. Kawlrawn ‘Taing 7’ chungin Pituh Hlutdaw Seat 207 le Amyotha Hlutdaw Seat 84 TOTAL Seat 291 an ngei ve. Ralkap chungin Pituh Hlutdaw Seat 110 le Amyotha Hlutdaw Seat 56
TOTAL seat 166 asi.

Cozah serkhawhnak le President chuah khawhnak ding caah Mee ‘Seat 336 a herh. 2015 election ah NLD party nih Seat 390 an hmuh caah an duhning poh in Cozah an ser khawh i, Ukhruainak zong an duhpoh in an merh khawh. 2020 election ah teh NLD nih maw USDP nih maw a herhmi Seat 336 an hmu kho ti lai maw. Ruah a hau. Party pi pakhatkhat ‘NlD maw USDP’ nih Kawlrawn ‘kawlmi dihlak’ ah 100% in mee hei hmu hna hmanhsehlaw Seat 291 lawng asicaah Cozah an serkho hlei lo. A tlawmcem Seat 336 hmuhnak dingah Seat 45 a cham rih. Kawlmi ‘Taing7’ chung ah Party pakhat lawng nihcun mee a hmu dih lailo ti cu a fiang bak ko.

Tahchunhnak ah Tlangcungram ‘State 7 Seat 200’ chungin Tlangcungmi Party nih Seat 170 hei hmu usih law Ralkap Seat 166 ‘170+166=336’ he fawnh in Cozah ‘Coalition Givernment’ kan serkhawh cang lai i, Pesident zong kanmah nih kan duhmi kan thim khawh lai.

President ah ahodah kan thim kun ne lai?? Ruahawk tampi aum lem lo..Gen Min Aung Hlaing cu President ah aa thlak cemmi asi. U Thein Sein le Daw Aung San Suu Kyi chan dih hnu in cun Gen. Min Aung Hlaing dah tilo NLD in maw USDP in maw dothleng khotu taktak an umti lo..Kanram nih aherh cemmi Daihnak ‘Peace process’ tuahtu ding ahcun Min Aung Hliang bak a tlingcem ko lai. Phunghrampi remhnak ah siseh Kah- Daihnak ah siseh Min sung Hlaing nih tluang tein a tling khawh cem lai ti kha zumh ahau.

Ralkap doh buin cun zeitik hmanh ah kanram dothlengnak a um kho lailo ti zong ifiang shau cang. Ralkap doh nakin an mah he kutsit in riantuan ah lohma a kal deuh lai. Kau deuh thuk deuh in a ruat khomi nih cun nan theihthiam ko lai tiah ka zumh. 2010-2015 USDP nih vuilak in an kan uk cang bantukin 2015-2020 NLD nih ceilakte an kan uk ve cang.

2021 hnu cu Tlangcungmi kan lal caan asi ve cang. Kan caan a cuu ve cang. Na ruahning hi asi kho lailo nan ti men lai. Ralkap he fawnh cu tiah nan ttih men hnga. Ttih ding asi lo. Ka seihkuyin ruahnak sawsawh ka chimmi asilo hih. Asi khawh dingmi le a cang khawhmi asi taktak hi mu. NLD le USDP cu hnu ah kan chiah cang lai. Kan ruahnak le kan hmunh ning zong aa kalh ngai men ko lai. Na ruah khawhning asilole a phung asi ko. 2021 hnucun Tlangcungmi nih Cozah kan tlaih cang lai. Tlangcungmi kanttanrual a herh cang.

NOTE. Ka nolh rih lai. Ralkap doh buincun Dothlengnak tuah khawh asi lo. Ralkap he kutsit in dothleng caan asi cang

Credit: Jacob R Thang