Tlamtlingh Khawh Dingin A Ṭuanchuaktu USDP Le NLD Cozah Cungah Lawm A Um

Hmuhning

Tuni thawkin Surbung vanlawng tualrawn ah vanlawng ṭumnak an test cang tiah kan theih. Lawmh a tuk tuk hringhran. Surbung vanlawng tualrawng kongah mi tampi nih cun hihi NLD party thawngin a dir khomi a si tiah biachokvai a hung pah. Hi kong he pehtlai in Salai Van Bawi Lian nih a hmuhning kong a tanglei bangin a chim ve.

Image may contain: cloud, sky, mountain, road, outdoor and nature

Salai Lungthli Tum,”Chinmi nih kan ngeih hmasa bikmi Surbung airport ah tuni thawk in vanlawng tumnak an test cang. A hmunhma le inn zong ai dawh, Chinmi kan nunphung muisam a cuang,” tiah a Facebook cahmaiah a taar ve.

Image may contain: 1 person, standing and indoor

Salai Martin Van Bawi Lian,”Hi bantuk (tlunkalnak) tthanchonak hi minung khuasak tintuknak caah a rak herh tukmi asi. A Cozah a ser kho lo ding Chin Party nih zeihmanh an tuah kho lai lo tiah hnuhmai zoh lo le multi Democracy system theih lomi nih an chim ttheu tawnmi zong khi lung fim a za cang. Vision nganpi a ngeimi hruaitu kan herh tuk ko. Project tete khi cu Vision ngei lem lo Vuanttan nih tuahtuan khomi asi ko. (Tlamtlingh khawh dingin a tuanchuaktu USDP le NLD Cozah cungah lawm a um),” tiah a Facebook cahmaiah a taar ve.

Image may contain: Van Bawi Lian

Ramri cawhlehnak kong aṭialmi rak rel chih: Ramri chawlehnak (Border Trade). Tangka kawl (economy) hi ram sernak le ram thanchonak i a maru pakhat a si ve. Tangka hmuhnak (economic source) a um lo cun ram thanchonak tuah a har. Tangka hmuhnak lam hi tampi in ser khawh asi. Zeitin dah kan kawl lai timi kha cozah nih fiang tein policy in langhter asi tawn. Nain nihin tiang Chin State a cozah nih economic policy fiang tein an langhter mi kan hmu kho rih lo. Chin State a cozah nih tangka kawl khawhnak lam tampi a ngei. Lam tampi lakah Ramri chawleh chawzuar (Border trade) hi pakhat asi ve in ka hmuh.

Chin ramkulh a lu bik in a tawne tiang ram ramdang (India & Bangladesh) he ramri kan i tlai. Ralkap cozah chan ah tihphangbu le tlaihkhih ton bu in India lei chawleh chawzuarnak in mi tampi kan paw a kan cawm (Abik in sumdawng in kan ti lai cu). Nain hihin tiang cozah hnatlak tein chawleh chawzuar khawhnak lam Chin State ah pakhat (Champai / Zokhawthar India – Rih Myanmar) lawng an hun rih. A dang cu pakhat cu Moreh-Tamu lam asi. Cu hmanah India-Myanmar ramri chawleh chawzuar a ngahmi thil a phun (tradable items) 62 lawng asi rih. Kum 2012 tiang kha zuar khawhmi a phun 22 lawng asi. Cu lakah Chin State in thil a chuakmi satil (vok, caw, ar) tbk pawl cozah nawlpek hmasa lo in India lei zuar a ngah rih lo.

2017-2018 kum ah kawlram nih ramri chawleh chawzuarnak (Border trade) in tangka a hmuhmi US$ 8.4 billion asi. Cu lakah 87% hi China ramri le 19% Thailand ramri ti an si hna. 1% lawng hi India ramri chawleh chawzuar nak in hmuh mi asi. Hi tluk lawm mam in China & Thailand ramri he a tlaumi hi Naypitaw acozah ruang maw, asi lo ah Chin State cozah santlai lo dah? Chin State chungah India-Mizoram he Chawleh Chawzuarnak lam a tlawmbik pathum tal kan ser kho hnga lo maw? Hi vialte tangka hmuhnak lam hi a lak in zoh sawh hi a pam tuk lo maw? Naypitaw cozah nih tuah u a ti hlan lo zei hmanh holh lo in um hi miphun zawn kan ruat asi hnga maw?

Chin State cozah nih Chin miphun kan paw cawmnak le thanchonak caah khuakhan lairel in a fiangmi tangka hmuhnak lam (economic policy) pakhat tal a chuahpi ding a si lo maw? Chin State cozah pakhat si mi nih, hi tluk siifak a harsami Chin miphun le Chin ram caah lu le chantling hmanh tonghter loin rian kan tuan ding asi lo maw?

Border trade hi tangka hmuhnak lam tampi lakah pakhat lawng asi rih mu. A dang tampi peh chap ding a um rih. Zapi he ruahti dingah kan sawm hna.

Salai Van Bawi Lian (Martin)

Leave a Reply