Tipil In Hi Van Kainak Si Lo-Rev. Dr. Joel Tuan Peng Thang+Video

Sermon

Tipil Cu Khrih ah In Asi Rev. Dr. Joel Tuan Peng Thang

Image result for rev tuan peng thang

Atu lio Laimi zumtu tampi nih kan buaipi ngaimi Tipil innak kong he pehtlaiin Rev. Dr. Joel Tuan Peng Thang nih fiang taktak in hrilhfiahnak a van tuahmi cu a fiang taktak khi si. A chim mi Video hi a dih tiang na ngaih ahcun na fiang dih lai.

Tipil in hi van kainak si lo i, Ti zongah ah si loin amah Jesuh khrih tu ah in a si. Lai Bible nih tipil in a ti caah Laimi tampi nih kan i fian khawh lo ruangah kan tlau tawnnak a si. A si ning taktak cu Baptisma ti a si i, Baptijo tiin a rami a si i, Baptisma ti sullam cu ti lo khin co khawh si. Baptisma ti sullam cu lang loin phum ti khi si. Kan nun hlun kha Jesuh khrih ah lang loin aa phum ti khi a chim duhnak a si. Baptisma ti hi Lai Bible in an leh tikah Tipil in tiin an leh i cucaah ti lawngte khi kan ruah cang.

Tipil in hi a min le ti ah si loin amah Khrih ah in a si timi nan i fian a herh. Hi kongah Falam zong nih a dik lo zia kha an i fiang cang i, atu ahcun Baptisma tiin an thlen cang. Cun, na fian dingmi cu kan laimi thawngttha chim tu hna nih na sualnak i ngaichih law tipil ing tiah an chim len mi khi khamhnak thawngttha si loin Phrofet thawngttha, sual ngaihchihnak tu a si. Cun, Laimi tampi nih kan in mi tipil hi khamhnak caah si loin sual ngaihchihnak tu khi a si.

A tang video hi minute 18 lawng a saumi a si i, tling tein na ngaih ahcun na fiang hrim lai. Lungsau tein rak ngai ve.

Leave a Reply