Ralhrang le Chin ralkap kahdohnak kongah thil sining fiang ngaiin an langhter cang ko hih. Mah cabia nih hin CNF/CNA zei rel loin a um mi cheukhat le CNF/CNA a soiseltu cheukhat nan lungfiang hram cang seh. “Timit kahdonak cu Chin ralkap nih kawl uico pawl cawl kho loin an tuah hnanak a ruang cu CNA commander control nak tang ttha tein an cawlcangh caah a si.”Sources: CDF-zophei commander

Ca biadang: Kanpetlet Ah Zung Rianṭuan CDM Hna Ca ah Sianghleirun Pakhat He Pehtlaihnak Tuah In Training An Tuah Lai:: Chin ramkulh, Kanpetlet khua ah CDM hna ca ah ramkhel le chawlehthalnak kong telh in subject 10 leng cu ramchung sianghleirun pakhat he pehtlaihnak tuah in cawnnak(training) kan tuah lai. Cu cawnnak ah kai ve cio ding in Kanpetlet mizapi uknak nih cathanh an chuah.

“Kan Chinram cu Myanmar ramchung ah zei lei poh in a ṭhangcho lo bik ramkulh a si. Fimcawnnak lei zong ah a der bik le a ṭhangcho lo bik kan si. Sianginn hun hmanh ah a kai ding a um lo tluk kan si. Tanghra a awngmi zong kan tlawmte. Kan ram sersiam ṭhannak ah Federal phung ning in kan ṭuan le ṭuanvo kan laak a hau,” tiah ṭuanvo ngeitu nih a chim.

Ramkhel, chawlehthalnak, khuakhan lairel thiamnak Mirang ca Federal kongkau le ukhruainak subject hna hi a tam deuh cu an i thim i an cawng lai, tiah an langhter. CDMers, caan karlak mizapi ukhruainak ah aa telmi hna le internet line a hmang khomi hna lawng nih August 8 tiang khi a hnu bik caan khiah in pehtlaih khawh kan si. Cun, Kan cawnmi hi cawn sawhsawh si loin atak in dohthlennak le caan karlak ukhruainak ca ah kan hman lai, tiah an thanh.