Salai Z T Lian: Laimi pahnih Pu Nawl Tling le Pu Tluang Cung cu Lewisville tidil ah an tlak i an nunnak a liam. Nga sio an kalnak ah hi vanchiatnak hi an tonmi asi tiin theih asi. Pathian nih taantakmi innchungkhar umpi hram ko hna seh. (Lewisville lake hi Dallas, TX in mawtawka mawngh in minute 30 hrawng a hlat).

Siang Tling: Farrawn khuami Dallas khuasa Pu Ṭha Peng Lian Kum 30 nih ti ah a kan paam tak. Pu Ṭha Peng Lian le a hawipa Tikir khuami Pu Nawl Tling cu an hawile he Dallas Lewisville tidil ah zanlei sml 4:00 hrawngah nga an siau i Pu Nawl Tling ti a pil mi a chanh nak ah an pahnih in an paam tiah theih a si.

Pu Ṭha Peng Lian cu chungkhar he khuasa asi i fanu pakhat le fapa pakhat a roh tak hna. Ngaihchiat nak a tongmi chungkhar Global Mie peng Group in kanin ngaihchiat pi hna. Nan dihlak Bawipa nih in hnem ko hna seh.

Salai Lairamthang: US Sipuazi A Hrim Than. Coronavirus ruangah US ram pumpi cu March thla dih lei in khar thawk a si i,May thla canceo tiang khar a si. May thla dih lei ah on hram thawk than asi. Tuzing ah The U.S. Bureau of Labor nih US riantuantu hna cazin data an chuah i, May thla chung lawngah rian a lut thanmi minung 2.5million an si. U.S. unemployment rat, rian ngei lomi, 13.3 percent a ttum ti a si. Riantuan ah a lut thanmi pawl hi leisure, hospitality, construction, education, health services le retail trade pawl ah a si.

President Donald Trump nih tuzing ah White house rose garden dum ah press conference a tuahnak ah state governor pawl cu an state cio on dingah a nawl hna, kan ram sipuazi a hrim thannak caah on hrimhrim a herh cang, a herh lo tiang in nan kharmi hi sullam a ngei ti lo” tiah a chim. Democrats Governor nih a ukmi State ahcun on duh setsai loin a changmi an um rih

US sipuazi tlak thluahmah hi democrats pawl nih politics icelhnak caah an duh ngaimi a si nain ruah lo pi in sipuazi hrim than a thawk mi hmelchunhnak an hmuh caah democrats pawl caah cun thawngchia taktak a si. Zeicatiah cun November thla i US thimnak caah US sipuazi hi a biapi bikmi issue i chiah a si caah a si. US sipuazi a hrim than ahcun President Donald Trump nih teinak hmuhnak caah thawngtha taktak a si ve.

Presdient Tump nih George Floyd kongah a chimmi cu, “kan hnu zarh ah a cangmi cu kan dihlak nih kan hmuh dih cangmi a si. Hmailei ah mah bantuk a chuah than dingmi cu kan cohlan khawh dingmi asi ti lo. American a simi poah nih tluk ruang tein kan covo kan ngah cio ding a si. Thleidannak kan tuah ding a si lo. Mah cu rampi phunghram zongah a um cangmi a si. Law enforcement hna nih miphun ruangh sieh, tak vun ruangah siseh, biaknak ruangah siseh, nu le pa sinak ruangah siseh, aho hmanh thleidannak an geih hna ding a si lo.” tiah a chim.