Dear Upat Awk Atlakmi Malay Um Laimi Dawtu Vialte Hna, Khampat Khuami, Malaysia um, Pu Ceu Mang (Kum 49) nih mual aliam taakmi hna chungkhar leiin nan sin ah kan lunglomhnak bia chim kan duh ko.

Atu bantukin ruahlo piin kan dawtmi kan fapa asimi, cun kan unau zong asimi le kanpa, kanpu asimi Pu Ceu Mang cu March 7, 2020 ah ruahlo piin Malaysia i a umnak Makota Cheras ah a hawile he tiva an kalnak ah ‘Ti’ in a paam ee, ti thawng kan theih thok in, a taantaakmi adawtmi chungkhar vialte hna cu, awklokchong vansangau in le lungrethei ngeihchia ngaiin ttah ai hram lawng kan rianh ko lio ah, Khrih le miphun ah thisa khat le Laihri tlai asimi, Malaysia ummi nulepa, ulenau, hawikom hna le khuami vialte hna nih ‘Ti’ in a paam thokin aruak charhlawm khawhnak tiangin siseh, atu i aruak fim hlawmnak vialte tiang zongah siseh, zaanghlei chuah cio in thadi le zaangbaa taktakin re nan kan theih piaknak cungah le nan kan fimtawlnak le alam kip in nan kan zohkhenhnak le bomhnak vialte cungah upat hmaizahnak zong kan in pek hna i nan cungah kan i lawm tuk hringhran.

Lunglomhnak cu i hrawmtik ah akarh i, ngaihchiatnak cu i hrawm tik ah a zor anti bantukin, nihin ni i kan thiltonmi cung i kan ngeihchiatnak nan kan hrawmpinak le nan kan dawtnak vialte nih hin kan ngeihchiatnak vialte zong a zor ter ko. Kan nih chungkhar nih nan thinlung in siseh, nan taksa in siseh, nan retheihnak vialte le dawtnak vialte hi kan in cham kho hrim hna lailo, sihmanhsehlaw thluachuahnak angeitu kan biakmi kan Pathian tu nih thluachuahnak aletsawmza tu in inpe hna sehlaw, in chamchin ko hna seh ti hi kan thlacamnak asi. Credit: James Pa

Nan cungah kan i lawmtuk ti buin
Upatnak he,
Taantaakmi Chungkhar

||Note: Acunglei cabia hi naite March 7,2020 ah mual a kan liam taakmi Pu Ceu Mang a chungkhar lei nih ngaihchiatnak a hrawmtu hna mipi dihlak cungah lunglawmhnak bia an chimmi a si. Taantaakmi chungkhar Bawipa nih a ngaihchiatnak hnem ko hna seh!||