Thongtla 9,600 Leng Kan Chuah Hna Lai Tiah Ralhrang Nih An Thanh

Myanmar News

Thongtla 9,600 leng ka chuah hna lai tiah SAC nih a thanh. Kum 76nak Myanmar ram luatnak ni sunhlawihnak ah thongtla 9,652 ka chuah hna lai tiah SAC nih a thanh.

SAC nih chuah a timh mi hna lakah ramkheel thongtla an i tel le tel lo theih a si rih lo. Ramdang mi thongtla 114 cu chuah an si hnu ah ram chung in thawl an si lai ti zong SAC cathanh ah an tial.

Tu zing Yangon khua, Innsein thonginnpi hmai ah thongtla a chuak mi dong ding in a hngak mi an um tiah ramchung media cheukhat nih an tial.

Thawngdang: Phyu Peng SAC Ralkap Sakhan Kahdohnak Ah SAC Ralkap 20 An Thi. Bago ramṭhen, Phyu peng Kanyutkwin khuapi, Konetey khua pawng um SAC ralkap sakhan 5 kahdohnak ah SAC ralkap 20 an thihnak kong cu Tawwin Daung Column nih an langhter.

Nihin January 4, zinglei suimilam 3:00 ah Yangon-Mandalay lam hlun Kanyutkwin khuapi, Konetey khua pawng um SAC ralkap sakhan 5 cu PDF ṭangṭi phu nih an kah i SAC ralkap 20 an thi, sakhan a zaamtak mi zong a tam, tiah theih a si.

Nihin January 4, zinglei kahdohnak ah tualchung mi pakhat a thihnak kong le Kanyutkwin khuapi he aa naihnak ah a ummi meng 142 thir hlei a cahnak kong zong tualchung mi hna nih an chim.

Pyu peng le Kyauktaga peng kar a ummi thir hlei a cahnak, Kanyutkwin khuapi he meng 2 aa hlatnak Taungkone khua ah kahdohnak aa thawknak le kahdohnak chung ah tualchung mi pakhat a thihnak kong cu tualchung mi pakhat nih Khit Thit Media ah a chim.

Leave a Reply