Thlacamnak In Bawm Rih Hna Usih: Thawngṭha Chimtu Saya David Lah Biaceihnak He Pehtlai In Thawngpang

Myanmar News

Thawngṭha chimtu Saya David Lah biaceihnak he pehtlai in thawngpang. Covid-19 zawtnak khenkham lio caan ah nawl chuah mi phung buar in tonpumhnak aa tuah timi ruang ah biaceih zung ah chuahpi asi mi thawngṭha chimtu Saya Saw David Lah le U Wai Tun (Nawarat) cu nihin June 3 ah Yangon Region, Mayangone township biaceihnak hmun ah avoi hnihnak chuah pi an si.

Image may contain: 1 person

Natural Disaster Management Law in biaceih an si ding mi he pehtlai in phun an buar tiah sualphawt a tong mi lei nih aa-mah-khaan (thawnginn chung um in biaceih zung kal si lo in thawnginn leng chuah in biacheihnak nawl) hal asi nain biaceihnak zung nih cucu a cohlan piak hna lo.

Image may contain: one or more people and people standing

Cu asi caah Saya David Lah le U Wai Tun(Nawarat) cu thawnginn chung ah an um a hau lai. Avoi thumnak biaceih ding cu ara lai mi June 8 ah tuah ṭhan asi lai.

Photo:- BBC, VOA (CCN Channel)

By Salai Lairamthang
Southern Bapitst Hruaitu Nih Trump A Dirkamh. America Evangelicials hna lak ah minthang bik pakhat a simi, Richard Albert Mohler Jr. nih 2020 thimnak ahcun President Trump ka vote cang lai tiah Washington Post ah a chim. Albert Mohler cu Southern Baptist Theological Seminary ah President a tuan liomi a si.

2016 lio ah Albert Mohler nih Donald Trump cu a rak zumh lo caah thimfung a pe duh lo. HIlary Clinton zong democratic Party a si i, khrihfa zumhnak he a kalhmi policy an ngeih caah thimfung a rak pe hlei lo. Thimfung thla loin a rak um. Asinain Donald Trum nih mithmuh in khrihfa hna zumhnak a dirkamh, supreme court ah khrihfa zumhnak a dirhpi mi, Supreme Court biaceihtu ding, Neil M. Gorsuch le Brett M. Kavanaugh cu biaceihbawi rian a pekmi hna le religious liberty a fehter caah atu bantuk in a lung a thlennak cu a si. 2020 hnu lei US President Thimnak poah ah ka thih hlan tiang in Republican lawng vote ka pek cang hna lai tiah a chim.

Albert Mohler nih a chimmi cu,”khrihfa a simi paoh nih President kan thim tik ah kan zoh dingmi cu:same sex marriage timi, nule nu, pale pa thit-umhnak, nau hrawh, [abortion ] religious liberty [ Zumtu hna zalonnak ] supreme court ah khrihfa zumhnak a dirkamtu [ supreme court nominee ] hna zohchih in thimfung kan thlak ding a si” tiah a chim. 2016 lio ah Evangelicals 80% rengo nih Donald Trump cu vote an pek ti a si. Albert Mohler nih a tuakning ah 2020 ahcun 80% nak in a sang deuh lai tiah a chim.

Leave a Reply