Thlacam Bawm Cio Hna Usih. AA Le Tatmadaw Ruangah Chin Ramkulh Paletwa Ah Christmas Hman Khawh Dawh An Si Lo: Chin ramkulh Paletwa ah AA le Tatmadaw an i kah peng ruangah zanlei suimilam 6:00pm in zinglei suimilam 6:00am tiang leng chuah an khap pinah cozah lei nawlngeitu hna nih Section 144 hmangin hmunkhat ah minung panga nak tam um lo dingin nawl an chuah ruangah Christmas le Kumthar ttha tein hman khawh si lai lo,”tiah Pastor Moses nih a chim.

Paletwa ramchung ah hin Khrihfabu 15 an um i, kumdang ahcun Christmas boruak le huham a lengtuk cang nain tukum belte cu meithal thawng lawngte theih asi. AA le Tatmadaw kar kahnak a chuah peng tik ah Paletwa ramchung cu raldohnak tual ah a cang. Cu ruangah Khrihfabu 15 ning in Bawipa chuahcam tuak Christmas zong ttha tein aa hmang kho lai lo.

Pastor Moses nih a chim mi cu, kannih Khrihfa mi hna caah cun Christmas hi kan ni sunglawi bik a si pinah a kan khamhtu Khirh Jesuh chuahcam tuak asi bantukin kan i ngeih in kan i hngahhlang tuk nain AA le Tatmadaw hna tuk dohnak thawng lawngte kan theih peng caah tukum Christmas cu nuam tein kan hmang kho lai lo,”tiah a chim.