Thlaawr Bawihrin: CBCUSA Pastor Hna Nih Nan member Kawlram In A Kirmi Poah Sizung Le Family Dr Sinah Nan Zohter Colh Hna Lai

Chin News

Bawi Khrih ah Chin miphun hna, Ralrin hi hnangamnak, lungdaihnak le teinak hmuhnak asi. Vawleicung thinphang thlalau in a kan tuahtu Corona virus international pehtlaihnak tiang a hnorsuan dih cang. CBCUSA member dihlak le pastor nih tuah ding hrimhrim asi mi daithlang loin tuah dingah kan nawl hna. 1. Nan member Kawlram in a kirmi poah sizung le family Dr sinah kalpi colh ding: 2. Kawlram in a kirmi nan don hna tikah hmaikhuh mask le kut hrolh i hruh ding:

Image result for thla awr bawihrin

3.Hi zawtnak cu chonh a fawi tukmi asi caah ralrin tein um ding: 4. California ram ah thinphang thlalau in an um cang: 5. Biakinn pumhnak kut tlaih lo ding: 6. Kawlram in a tlungmi he pe 3 nak naih in thutdir lo ding: Ralrin cu himnak, hnangamnak le teinak asi caah ralrin tein um dingah kan sawm hna. Bawipa nih CBCUSA le Chin miphun thluachuah pe chin ko seh. Ka lawm. Thlaawr Bawihrin. General Secretary CBCUSA 7216 US 31 South Indianapolis, IN 46227 (317) 402 7233

Image result for Coronavirus

Relchih: Thawngthanh le Thlacam sawmnak: Bawi Khrih ah miphun hawi hna, President Trump nih US rat nak visa a khammi (travel ban) ah Burma aa tel ve. US cu mirang caah policy nih mipem caah zalonnak a bitter chin lengmang, refugee lak ding zong thumh thluahmah asi cang’ ti cu zapi theih asi cang. Tuzarh in Traval ban order a nung cang lai. Chin miphun a kan hnursuan ngai lai. Chungkhar, nulepa, le nupi a va thimi caah donkhannak a um cang lai.

I -730 I-130 caah a fawi lo ngai lai. Mr President nih Kawlram travel ban ram ah a khumh ve cang caah Kawlram chungin Chin miphun nih tuar dawh bik asi. President order chuahmi zong a cohlang lomi senators le congress men tampi an um ve. Min, chuah Ni, nulepa aa khatmi kong zong hlathlainak an vun tuah cang lai. US um Chin miphun lungretheih in ummi tam ngai dawh asi. Kawlram hi travel ban ah telh lo dingin Church World Service, ABCUSA, CBCUSA, Burmese Refugee Commision nih atanglei ni ah a tanglei minung hna ton ding timhtuah asi.

Thlacam bawmh dingah kan sawm hna. Tonnak Ni: March 11, 12 Ton ding minung: 1. Samuel Brownback, US Department, Bureau of Democracy, Human Right and Freedom, 2. Mitch McConnell, US Senate Majority Leader (ASSK supporter) 3. Nancy Pelosi, Speaker of the US House of Representatives ( No Ban Act tiah a au i Refugee lak a duh ngaimi) 4. Mike Pence, Vice President, USA Van le vawlei a ngeitu le a uktu Khuazing Pathian sinah thlacam usih. Bawipa nih a tha bik khua a khan ko lai Lawmhnak he Thlaawr Bawihrin

Leave a Reply