Thinphang Taktak Si! Ara Laimi Zarhhnih Chungah Kawlram Minung Nuai 56 Sinah Zawtnak A Phan Kho

Myanmar News

The Chin Post: Ara Laimi Zarhhnih Ah Myanmar Mipi Lethnih Covid An I Chawn Kho Tiah British Nih Ralrinpek nak a chim. Myanmar ram cu ara laimi zarhhnih chungah Myanmar minung nuai 56 sin in Covid zawtnak a kharh kho tiah British UN palai nih July 29 ah ralrin peknak a chim.

Myanmar struggles in the grip of coup and Covid-19 | News | Eco-Business | Asia Pacific

Myanmar ram cu February thla ah a cangmi ramkhel thlennawnnak in Myanmar ralkap in tuanvo ngeitu hna cungah American- British telh in ram dang cheukhat nih phihkharnak an tuah hna. Hi bantuk ram thlennawn nak ruangah Myanmar ram ngandamnak le ngandamnak riantuan hna a hnorsuan hna, tlaihkhihmi hna he zong a pehtlai fawn tiah British Palai Barbara Woodward nih Myanmar kong he pehtlai in Myanmar kong ceihmai nak ah a chim hi a si.

Myanmar ram cu Virus i chawnhnak a rantuk caah ruahdamh ning ahcun a ra laimi zarhhnih ah rammi hnarcheu Virus an i chawn kho tiah a chim. Myanmar ram cu nai te ah China ser sii nuai hnih an ngah ko nain atu tiangah rammi 3.2% lawng an i chun kho tiah Reuters nih a langhter.

Thawngpang dang: Manhung khuabawi Meithal In Kahthah A Si! Sagaing ramthen Humalin peng Na-maw khuatekomh ah a um mi Manhung khuabawi U Kyaw Myint cu July 28 zaan suimilam 8 hrawngah an umnak inn meithal in an kah i a thi tiah theih a si.

July 28 zaan ah meithal a tlai mi 4 cu mawtaw cycle 2 in an rat hnawh i, inncung in an hnuh i an kah caah a hmun ah a thi colh tiin Namaw khuami pakhat nih a chim. U Kyaw Myint hi khuabawi pakhat a si hlei ah USDP khuatlang rualrembak hmu pakhat a si tiin an chungkhar hna nih an chim.

Namaw khua hi Chindwin tiva pawngah a um mi a si i, Tatse le Khin u pengah minung 3 cu a ho ti theih lo mi nih a hngawng an tan, meithal in kah/thahnak zong a um len tiah theih a si. June July thla chung Sagaing ramthen peng 37 ah mi thahnak 70 le hliamhma a pu mi 12 hrawng an um. Myoung pengah hmunkhat ah minung 2 thahnak voi 3 le hmunkhat ah minung 3 thahnak voi 2 a um tiah theih a si. VOM

Leave a Reply