Duh Lonak Langhtertu 20 Yangon, Tahmuai Ah Tlaih An Si: Kan Kawlram zong nikhat hnu nikhat buai hram zong USDP le Ralkap I fonh in an thok cuahmah i a tanhtu mipi zong duh lonak langhter dingin tawsawh an si. Cu tikah tuni 25,1,2021 2:00pm ah Yangon, Tahmuai myo ah USDP le Ralkap tanhtu minung tam ngai nih duh lonak langhter an timh.

Duh lonak langhter an timhmi cu an theih hna tikah palik nih an va thek hna i thek khawh silomi mikhawlol pawl minung 20 an tlaih hna tiah Eleven media nih a langhter. Hi an tlaihmi hna nih an aumi cu UEC kan duhlo, Ralkap le Usdp uknak kan duhmi si tiah an au khuan hnawh hna i biathalo le thingfung la phun an um caah an tlaih hna hi si. Cafang palhmi um cun phone si caah ka ruat thiam hram u law thazaang ka pe peng u, chimh hrin khawh si. Credit: Eleven Newd & The Thantlang Post Network

Relchih: Donald Trump cu White House a chuahtak nak Ni 4 a si ve cang. White House a chuah tak hnu in US mipi nih an duh ning a lang chin lengmang ve. Nihin January 24, 2021 ah Donald Trump cu Golf tuk ding in International Golf Club in west Palm Beach ah caan a va hmang i cu a kal pah ahcun a sunglawi taktak mi thil a ton hi asi.

President a si ti lo hnu zongah President thar a simi Joe Biden nak in international news ah a
thawngpang a tam deuh in a lar deuh. Heh tiah a thatnak le a chiatnak kong lawng te nih Media ah hmunhma a la, a mah kong lawng te an chim peng rih. Nihin ah a sunglawi tuk mi thil a ton mi cu “Golf tuk ding in motorcade in a kal lio ah mi tampi, amah ttantu nih heh tiah an uar nak kong an chim, an conglomh i an au hnawh” hi asi. Cu pin ah tarnu te biachim le cawlcangh ko nih mipi thinlung ah faaktuk in rian a ttuan.

Mi tampi hna cu America Flag an i put i “Still My president and Trump won” Donald Trump hi kan President a si peng rih ko, a mah nih election teinak a hmuh ko timi catar le signboard i ken in heh tiah an au. Cu Trump ttanhtu mipi tampi lakah pitar pakhat nih Trump a hmuh bak in a kut a thlir i, heh tiah a au i, Trump a uar ning heh tiah a chim.

House Democrat nih second impeachment cu February Ni 9 ah ceih ding in tim tuahnak an ngei
lio ah Trump cu lungretheihnak pakhat hman a ngei lo in, amah ttanhtu pawl hmaiah a ni kho
peng rih. Bush le Obama hna kha term 2 an hmang dih ve. Trump bantuk in fans pawl nih an hrut pi mi hi US president ah an um bal lo tiin mi tampi nih an uar ning le an duh ning an chim.