Thil Dik a Ttanhmi Hruaitu An Tlawm Chin Lengmang:

Chin News

Thil Dik a Ttanhmi Hruaitu An Tlawm Chin Lengmang:

Image result for Hakha

Nihin kan vawlei ahhin ramkhel (politics) lei siseh, biaknak (religion) lei siseh, ttha tein thilsining zoh lengmang tikah hruaitu (leaders) tampi cu – an hruaimi hna mipi le thil diknak in – an mah pumpaak ca (personal interest/agenda) tu kha, faak ngai in hmai ah an chiah/an kalpi deuh cang.

Ral ttha tein thil dik/thil hmaan a ttanhmi le a chim ngammi an tlawm chin lengmang. Minung pakhat le pakhat kar ah zawnruahnak a um lo chin lengmang. Mah zawnruahnak lawngin vawlei hi a khat cang. Mah laarsaang duh ah hruaitu a ttuanmi an tam chin lengmang. Kan mah Laimi chung zongah – cu bantuk cu an um chin lengmang in a lang.

Nihin Laimi tampi kan lungput zong zoh tikah ral ttha tein thil dik/thil hmaan a ttanh ii, a chimrelmi pawl cu kan zatlaang nun (society & community) chung zongah an hmunhma a bibi chin lengmang ding phun in an um. Mah hi a poi ngaimi asi. Hi bantuk chan kan hung phaak tik ahhin Khrihfa kan sinak ah pumpaak nunnak le chungkhar in kan i tleihmi a hrampi (principle) hi, kan thlah lo ding, a rak biapi tuk. Cucu thil dik/thil hmaan ttanh hi, si zungzaal ko seh.

“Sihmanhsehlaw biading kha ti bantukin luanter u law, dinnak kha a cat lomi tiva bantukin luanter caamcin ko uh.”{Amos 5:24} Ref: Salai Van D Ceu

Leave a Reply