Ngaihchiatpinak: Malaysia ah thisen cancer in caan saupi rak thlawpbul mi le CYOM nih ramkip laimi sinah bawmh kan rak hal piak mi Joel Bawi Hup Ceu nih tuni date 16 Dec 2019 zing suimilam 10 ah Tahan khua ah Vawleicung harnak vialte kaltak in ahmun mi Zungzal ram ah akan kaltak. Tantak mi Nupi le fa le chungkhar Bawipa Pathian nih umpi hram hna seh. CYOM

Joel Bawi Hup Ceu hi a theimi zong kan tampi cang men lai tiah ka ruah. Aruang cu aluancia caan ah Lai Media nih a konglam tam ngaite an rak ttial bal cang. Malaysia ah khuasami a si i zawtnak phunkhat a simi minung kan tih ngaimi Cancer zawtnak in caan saupi a zaw i dam loin a ummi a si.

Hmunkip kakip in amah bawmhnak caah tiah Phaisa tangka in a rak bawmtu zong an tam ngaingai . Malaysia ah Mino phu a dirpi pakhat Chin Youth Organization Malaysia (CYOM) timi phu nih an si khawh chungin ramchung ramleng ah bawmhnak an halpiak hna. Asinain a tu ah cu vawlei asimi bangin kan khualtlawnnak ram a si bangin a kan dinh taak cang. Tantaakmi chungkhar Bawipa nih an ngaihchiatnak chungin hnem ko hna seh!