Thih Hnuah Sualngaihchihnak Caan A Um Ti Lai Maw Billy Graham Lehnak

Sermon

Thih Hnuah Sualngaihchihnak Caan A Um Ti Lai Maw Billy Graham Lehnak

Kan thih hnuah Pathian leiah mer thannak caan a um ti lai maw? Ka hawi nu nih cun thih hnuah sualngaihchihnak caan a um than te ko lai a ka ti i atu ahcun Pathian ka herh rih lo. Vancung cu ka kai thiamthiam te ko lai a ka ti. Zeitin dah ka chimh lai? tiah Bill Graham a hal.

Bill Graham bialehnak: Bible nih thih hnu ah sualngaihchihnak caan a um than te ko lai tiah cang khat hmanh a kan chim lo. Bible nih fiang tein a kan chimhmi cu minung cu voikhat a thi ding in khaukhih dih kan si cu hnuah biaceihnak hmaiah kan dir lai a ti Heb 9: 2. Atu ah Pathian kan herh lo i zeihmanh kan rel lo ahcun thih hnuah zeicaah dah Pathian cu kan i tuah lai ti lai.

Bible nih fiang tein ralrin a kan pekmi cu kan tuahsernak bantukin biaceih kan si. Nunnak cauk chungah a min tial lomi paoh cu mei tibual ah thlak an si lai a ti Biathlam 20:13,15. Thih hnuah caan tha a um than ti hrimhrim lai lo. Nihin kan tuahsernak hi biaceih tha kan hmuhnak le biaceih chia kan hmuhnak a si ko cang lai.

Na hawinu cu thlacampiak ko. Pathian Thiang Thlarau nih a sualnak le a lungthin sualnak a theihter lai i Khrih ka herh timi a theihter te ko lai. Pathian nih a dawt ko. Pathian lawnglawng nih a lungthin le ruahnak vampang a khuai khawh i a thlen khawhmi a si. Pathian hal law na hawinu caah Khrihfa dawtnak le daihnak tehte tha an siter ko seh.

Na hawinu biachim le ruahnak a khohcho ngaimi a lo nain a lungthin le a chunglei taktak cun a lawngmi a si. Khrih lawng nih daihnak le ruahchannak a pek khawh lai. A nunnak caah tehte tha na si khawhnak ding ah Pathian nih a hriamnam ah an hmang ko seh! tiah vawleicung minthang evangelist Rev. Bill Graham nih fianternak a pek. Ref: TCP.

Leave a Reply