German thiamsang hna nih nu hnuk ah Covid-19 zawtnak an hmu tiah Dr. Thuravara Ratatarath (professor of medicine at Chulalongkorn University in Thailand) nih a chim i nu hnuk i Covid-19 zawtnak an hmuhnak kong cu Lancet Journal ah an tarlangh.

Lancet Journal nih an tarlanghning ah cun,“Hnuk a dinh liomi nu pahnih sinah hlathlainak an tuah. Sibawite nih DNA Sample an test hna tikah Covid-19 zawtnak an hmuh hi a si. Nu pakhat cu Covid-19 a ngeih hnu ni 9 nak ah a zawtnak a lang i, nu pakhat deuh tu cu Covid-19 a ngeih hnu ni 2 hnuah a lang,” tiah an tarlangh.

Nu hnuk cubic centimeter-ah Virus 9,800-132,000 bak a um kho tiah thiamsang nih cun a zumh. Asinain nausem nih a nu hnuk dinnak in maw Covid-19 zawtnak hi a ngeih siloah, thil dang in maw an ngeih ti cu an thei kho rih lo. Dr. Thuravara Ratatarath nih cun hi bantuk in nu hnuk sinin zawtnak hi an hmuh tikah zeitindah an i zohkhenhning a si lai timi zong arauh hlanah an hmuhchuah lai tiah zumhnak kan ngei tiah a chim chap. Credit- MIZZIMA & Nationthailand (The Tahan Post)