Thiamsaang Hna Nih 2021 Kum I Tlung Ding An Phuan. Thinphang Dailo Si. Thawngchia.. Kum a thar cun zeizong te hi a thar dih lai tiin minung nih ruahchannak kan ngei ttheu tawn. Asinain Nobel Peace Prize ngahtu UN agency World Food Program hna nih “2020 kum nak in 2021 kum ahhin vawleicung minung nih harnak faktuk kan tong lai”tiah an chim.

Kan theih bantukin tukum “2020” kum chungah thil ttihnung zeizatdah kan ton cang? Sinain mah hi cu aa thok ka lawng a si rih, World Food Program phu nih cun “2020 kum ah harsatnak phunphun (Coronavirus telh in) kan tuar. Asinain hi harsatnak cu thiamsang hna le a cozah nih fimthiamnak le phaisa thazaang hmangin an khamh khawh lai, mipi bawmnak (stimulus) zong an pek khawh i, leiba ngeimi zong nih awlzaang tein an cham khawh ko.

Asinain 2021 kum ahcun vawleicung ah mangtttam a tlung lai i, harsatnak faktukin a tlung lai tiah an chim. 2020 kum chung zongah pam. African le ram tthenkhat ahcun rawlei ding an ngaih ti lo ruangah nunnak a liammi tampi an um timi theih khawh si.

Kum 2021 ahcun miharsa hna bawmtu hna zong kumdang bantukin an cawlcang kho ti lai lo i harsatnak faaktukin a vawleipi ah a tlung lai timi an zumh cang. World Food Program phu nih cun biblical charhchan in hi kong an chimnak hi si. (#Zei bantuk dirhmun i kan um a si zongah zumtu mi nih cun thinphang-beidong ding kan si lo. Vawlei cu kan khualtlawnnak men a si ti kan theih ah a ttha) Ref: WMF