Myanmar Idol zuamnak kong he pehtlaiin minthang Thet Mon Mynt nih mipi theih bakin ti hin a leh ko hna. A chim cu uar um bak. Kei hi ringawn le hlasak lei hi ka duh naimi asi, Tutan Myanmar Idol aa zuam mi hna zong an dihlak in an thiam dih. A sinain Chin miphun ka si bantuk in miphun dangnak in ka miphun cu ka ttenh deuh hna. Cun, an thachiat lo dingin tha ka pek hna i, ka dirpi hna,”tiah Pannpwint nih bia an halnak ah a chim.

Thet Mon Mynt nih Chin miphun ka si ruangah keimah ka miphun cu ka ttenh deuh ko timi biafang a hmanmi ruangah online ah soiseltu le thangchiattu an tam bak ve. Sinain kanmah le mah kan i thangchiat kan i soiselnak cun miphun dang hmai i, ka miphun ka dirpi le ka ttenh ruangah thangchiat soisel kan tonmi cu poi ah chiah ding si lo.

Thet Mon Mynt nih biachim ruangah Kawl miphun hna nih an timi cu “ka miphun ka minphun timi biafang nan chim lengmang mi hi kan huat tuk, Kawl miphun kan si ko nain Chinmi kan in vote tthiamtthiam ko hna,”tiah fak piin an soisel colh ve.

Sinain mi cheukhat nih an ti ve mi cu mah miphun hmanh a ttenh thiam lomi cu mihrut nan si”tiin Thet Mon Mynt cu an dirkamh ve. Cun, a miphun pawl thazaang der lo dingin a dirkamh ding hna hi a rian si ve, mah le miphun ttenh le dirpi timi cu vawlei nih a kalpi mi si ko,”tiah amah uartu hna nih an chim ve. A tangah video kan rak taar chih.