The Rock Le Lauren Hashian Nih Tthitumnak An Tuah Cang. Photo He

The Rock tiah kan theih mi le minthang taktak, Dwayne Johnson le caan saupi chung duh dawtnak lamthluan ah a leng mi Lauren Hashian hna cu kan hnu zarh Pathianni ah khan Hawaii-ah tthitumnak an tuah.

Kum 47 a si ve cang mi, The Rock nih cun Instagram-ah tuzarh nikhatni zing ah khan Lauren Hashian an i tthitumnak hmanthlak cu a post i, a timi cu tthitumnak kan tuah cang, August 18, 2019 Hawaii Pomaika-ah,” tiah a ttial chih.

The Rock le Lauren Hashian nih hin phungning tein tthitumnak an tuah hlan ah fanu Tiana kum 1 le Jasmine kum 3 minung an ngei cang. Dwayne Johnson le Lauren Hashian hna hi kum 2007 khan aa duh cang mi an si. The Rock nih hin a nupi tthing Dany Garcia sinah fanu pakhat Simone a ngaih i, atu ahcun Simone hi kum 18 a si ve cang.

Zeidin dah Tukforhnak kan tei ning a si lai timi hi van rel chih.

Tukforhnak a vun thawn tuk tikah ka tei kho ti lo tiin lungthin thumh i tukforhnak chungah luh sual a fawite, asinain ka tei kho ti lo timi hi Satan sinin a rami a si. Pathian nih a kan kamhmi cu nan tuar khawh lo tiang in nan cungah tukforhnak tlunter ka duh lo a ti. Kan tei khawh lomi tiang in tukforh a tlunter lo. Cheukhat cu tukforhnak nih fawi tein a teimi an um i, a doh hrimhrim an doh lo; a chungah an lut ve. Asinain ding tein a nungmi nih cun an tei lengmang ko. Tukforhnak he biatak tein an i peih caan hmanh ah an tei khawh than lengmang. Pathian an i bochan ruangah teinak an hmu lengmang.

Bible nih tukforhnak hi doh u a kan ti bal lo. Satan or mi thalo pa tu kha doh u a kan ti. Tukforh le Satan hi aa dangmi an si. Tukforhnak timi cu kan chung in aa sermi a si. Kan lungthin in maw kan mit in maw kan hnakhawh tbk in aa thok. Doh awk a tha lo. Amah tu cu tukforhnak kan si tikah thil dangdang ah khan kan ruahnak kan mer colh a hau i, kan mit kan thial colh a hau i, kan hnakhaw kan phih colh a hau. Kan mer tak colh lo i, kan doh ahcun a zual chin lai i, kanmah nih tei loin a kan tei lai.

Tachunnak in kan chim ahcun, kan ruahnak ah sual duhnak a thawh tikah kan doh ahcun thuk pi ah a pil chin lai i, kan ruahnak ah a khat in a khat dih lai. Doh cu thawnter chin a si. Tukforhnak zong cu bantuk cu a si ve. Kan feeling hna hi kan doh deuhdeuh tikah a kan tei deuh. Cucaah tukforhnak aa thoknak cu kan ruahnak in a si caah a doh in doh loin kan ruahnak kha a dang thil ah kan thial colh a hau. Sualnak ka ruah cuahmahmi kha a tha ti lo ti ka theih cangka in tiva kalnak kong hna ah khan thial colh ding a si. Cuticun tukforhnak kan teinak cu a si.

Sualnak kan teinak le kan sunghnak hi kan ruahnak cungah aa hngatmi a si. Kan ruahnak a kan tei kho paoh kha a kan teitu a rak si. JOb nih a chimmi cu ‘hor duhnak lungthin he nu ka zoh sual lonak ding ah ka mit he biakamnak ka ser’ (Job 31:1) a ti. David nih ‘san a tlai lomi thil ah khan kaa mer sualnak lo ding ah ka veng’ tiah thla a cam ve.