The Fact:Zeitluk Quality Ngeih Zongah Degree Sang Ngeih Lo Ahcun Hmual A Um Lo.

Chin News

The Fact:Zeitluk Quality Ngeih Zongah Degree Sang Ngeih Lo Ahcun Hmual A Um Lo.

Image may contain: 3 people, people standing and suit

Vawlei Lei Bu Hruainak Ah; Van tawng tiangin biachim thiam le quality ngei zong kan si ko hnga,Master cheuhkhatnak zongin Quality tha deuh na ngei ko hnga,hmanhsehlaw Master siloah Doctor (Degree) tal na ngeih lo ahcun na bia cu hmual a ngei thlu kho hrimhrim lai lo.Bia a nunterkhotu le a thihterkhotu asi mi “ Bo “hnihthum hrawng hi cu rak i benh hrim a hau mi si.Bia ngeih awktlak le upat mi sinak ding caahcun rumra a ngei mi uniform kha rak i hruk hrim a hau mi asi. Cucu thil kalning fact asi.

Ralkap Cozah Hruainak Ah; Zeitluk hmanh in Political dialogues leiah CNF cu thlangcung mi hna le Kawl hmai ah biachim thiam va si hna hmanhsehlaw , Ralkap thazaang an ngeih lo ahcun an bia cu 100/100% in hmual a ngei kho thlu hrim lai lo.

Dr.Lian Hmung Sakhong nih biathlithup deuh pakhat a chim mi chungah ka lung a ka doh mi pakhat cu Cabuai cungah bia chim tti hi a tha bik mi raldohnak lam asi ko caah hi lam hi kan i thim. Pathian lamhruainak thawngin Thlangcung mi vialte hmai ah CNF cu hruaitu zong kan hung si ve i thil zeimawzat cu kan kal pi khawh ko lai tiin kan ruah.

Hmanhsehlaw, Kapkhat leiin kan Ralkap thazaang hi a der tikah zeitluk in bia kan chim khawh zongah Kawl pawl cu chim lo ,kanmah Tlangcung mi lila hmanh nih zeirellonak te a kan ngeihnak um pah zia a lang ee a ti.Cucaah kan ralkap thazaang hi kan thawnter a hau hrim ko a ti.Ralkap Bo hi i benh deuh lo ahcun hmaikal biachimtu hna ca zongah hmual hi a rak ngei deuh ve hrim rua loh.

Kan Chin Miphun hna hi kan experiences a that tluk in miphun caah thuk deuh in kan lut kho hrim lo.
Cattialtu: Al Bik Lian Zaathang

Leave a Reply