Note: Hi kong hi Mizo nih an ttialmi leh chinmi a si. US cozah President Secretary of State, Secretary of defense nih Gen. Min Aung Hlaing le a hruaimi ralkap pawl cungah dantat/kutthlak dingin a tawlrel tiah thawng theih a si. Hmalaknak ngei dingin a tawlrelnak (Resolution) cu Senator Ben Carding (Maryland State) le Senator Todd Young (Indiana State) nih USA Congress (Parliament) ah khuakhannak ngei dingin an tawlrel tiah theih a si i, USA Senate “Foreign Relation Committee” ah Agenda chuahpi colh an timh.

Senate Foreign Relation Committee ahhin Democrat minung 11 le Republican minung 11 tiin Senator 22 an itel i, cu ahcun US Senator mi lianngan Ted Cruz, Rand Paul, Romney, Marcos Rubio le Tim Kaine tbk pawl zong an itel ve. Senate Foreign Relation Committee nih Resolution an pass lai timi hi zumh a si. Hi hnu ah US Senate Session ah an hi kong cu an chuahpi tthan lai i, Senator minung 100 nih ceihhmainak an ngei tthan lai. Senate zong nih an hnatlak pi hrimhrim lai tiah zumh si.

Indiana State Senator Todd Young hi keimah kai telnak BACI (Burmese American Community Institute) ah a ra lengmang mi a si i, atu Resolution an an up dingmi he pehtlai in Myanmar politic le ramchung thawngpang thar pawl cu BACI sin in a rak lak tawnmi a si. Credit: Dr. Rodinga

Relchih: Where Are You Dr. Sasa & Dr. Peter? Hi ca ka ?ial tikah ka hua lai ucih. Anmah pahnih ka hua hna lo. A dang zong kan hua hna lo. Nan ka huat sual zong ah kan hua hna lailo. Kan upat mi Dr. Sasa le Dr. Peter Ngun Za Cung an tlau. Dr. Sasa hi January 20 tiang Facebook a cathlah kan hmuh. Dr. Peter hi December 27 tiang a cathlah kan hmuh.

Thimnak lio ah nang maw kei tiin zuamcawh a rak si. Kan mah le kanmah heh tiah kan i do, kan i al. February 1 in nihin ni 9 tiang an mui kan hmu hna lo. Ca zong an tar lo. An tlau. Kan herh ngaingai ko hna. November 8 ah rong phuntling kan si mi kha nihin ah cun rong phun khat kan si cang ee tiah rak kan chimhpiak te hna u. Kan mipi zong ralkap cozah dohnak ah CDC le lamzawh hun hruai hna sehlaw pei kan lungrualnak a kauh chinchin lai cu! An hruai ngam lo hmanh ah a forh tal van kan forh ve hna seh.

Ahohmanh kan him lo. Himnak hmun kawl ahcun khoika hmun hmanh a him lo. Himnak ram le vawlei kan ser hrimhrim a herh. Nan miphun, nan ram nan dawt taktak ko ahcun hung chuak uh! MP pawl.zong chuak u, Candidates hlun pawl zong chuak ve uh! Khoi ah dah nan um. Kan ram caah kan ram caah kan miphun ca ah ee kan ti mi kha a tu caan hi a si ve. Zaanlei nineem ah Pathian nih Eden dum a len lio bang, Thlennak pakhat nih a kan len lio te a si. Adam bang kan i thuh sual ahcun techin fapar tiang an lo lai. Khah! I thawh uh. Lungrual caan cu a tu hi a si. Khoika Ah Nan Um? Cattialtu:
Salai ?ial Hram Ling