Myanamr ralkap nih NLD kut chungin nawlngeihnak an tthanmi ruangah Myanamr ralkap dihlak kan kan i tel ko. Asinan ralkap pawl lak zong ah Min Aung Hlaing duhlotu zong an rak tam taktak ve. Thenkhat nih cun tutan uknak lakmi hi an duh lo tuk nain cunglei nawlpeknak bangin an cawlcangnak hi si.

Hi kongah Myanamr ralkap tthenkhat nih “General Min Aung Hlaing hruainak in nawlngeihnak an lak mi cu Myanamr ralkap dihlak kan i tel dih tinak a si lo. Kanmah nih cun thimnak ah teitu simi NLD sinah kan dir ko” tin ramchung mipi pawl sinah theihternak cathanh an chuah.

A cunglei kong he pehtlaiin Ralkap a ttuan lio mi (AR Kar Hein” nih a chim mi cu “Ralkap University (UTC) i training kan rak tuahnak a ruang cu kan mipi pawl humhimnak dingah a si”. Biakamnak kan rak tuahmi ah “Ka ram le ka miphun ka venhimnak dingah a si” kan ti i kan traing-nak cu nawlngeihnak lak tthannak dingah a si lo.

Kan cawnmi raldoh ning cu a lolak ding men a si lo i, nawlngeihnak laknak ding ca zongah a si lo. Biakamnak ah “Zeidah nan tuah? Kan training ko, Zeicadah na tuah? Raldohnak dingah. A ho caah dah si? Kanram le mipi hna caah” tiin le au in training kan tuah.

Kan mipi pawl hna khat lei sinah dir hlah u, nawlngeihnak a la tthantu leiah dir hlah uh. Mipi hna sinah hmunkhat in dirtti u, kan ramchung ah nawlngeihnak hi laktthan asi nak hnga lo um hram ko seh” tiin amah facebook ah a tarlangh i mipi nih an uar tukmi cabia ah aa chuah.