Thawngttha Pakhat A Si. Corona Virus I Chonh Khawhnak Cu Pakhat Lawng Asi Tiah Thiamsang Hna Nih An Langhter Mi

Thawngpang

Canada ram kan Prime Minister Nupi zong UK in COVID-19 a rak itlunpi ve. Tuhi biatak tein Nitlai lei ram ah a karh cuahmah i, iralrin cio kan herh. World Health Organization nih an thanh ning ahcun Corona Virus hi thli/air in ichawnhmi a si lo an ti. Cucu thawngttha pakhat a si. Nihin tiang studies an tuahnak ah Corona Virus ichanwh khawhnak cu, “droplets” in a si an ti. “Droplets” cu “hatheu” kan theuh lio i, a petmi ti-dor/ hnap-dor khi a si. Cu hnap-dor cu kut or kutka tleihnak or staircase tlaihnak tbk kut itlaihnak tbk ah aa benh i, cucun virus cu ichar khawh cio an si hna. Kan tak pum chung ah Virus a luhnak inka hi, “kan Ka, kan mit, kan hnakhaw le kan hnar” in an si. Cucaah hmai hrimhrim kha itongh lo a ttha tinak a si.

Image result for coronavirus usa

Mizapi hmanmi shopping mall, school or community tbk “public washroom” ah na kal ahcun door/innka tleihnak te khi Virus aa benhnak cu a si lai. Cun, staircase railing tbk ahkhan a benh fawn lai. Shopping nan kai tikah nan nammi shopping cart zong khin ichar khawh a si fawn lai. Cucaah mah bantuk kha tleih awk ttha lo an si tikah na hmai na tongh hlan ah kut ikholh lengmang a hau.

Image result for coronavirus usa

Virus hi Metal/thir tbk ah saupi a nung kho an ti. Cucaah na cell phone zong ahhin Virus aa benh khawh tinak a si. Tahthimhnak ah Virus a umnak innka/railing or a zawmi kut na tleih hnu ah na phone na deh ahcun na phone ahkhan aa benh manh cang lai. Cun, Na kut na kholh hnu in phone na deh tthan tikah phone in na kai tthan kho thiam tinak a si. Cucaah, hand-sanitizer te kha isanh khawh peng ahcun tthat bik dawh a si. Na phone na kut tbk kha tuletu in na hnawh peng ahcun na him lai. Corona Virus hi a linh/hot a celh lo an ti. Cucaah a linnak ram ahcun a karh kho tuk lai lo. Midang sin a kai hlan ah a thi manh lengmang lai tinak a si. Cucaah a linnak kawlram le India tbk cu an him pah ko lai. A kihnak ram belte cu iralrin taktak kan herh. Credit: Zasang Cinzah

Leave a Reply