Thawngttha: Kawlram Ah COVID-19 Khamsii A Phan Cang. Hman Ning Cu A Tanglei Bantukin Si Lai

Myanmar News

Kawlram Ah COVID-19 Khamsii A Phan Cang: India nih Myanmar ramkomh he pehtlaihnak ca ah laksawng bantukin a pek mi COVID khamsii cu Yangon khua Mingladon International Airport a phan cang. Atu a rak phan mi khamsii hi ramhnih cozah laksawng i peknak a si tiah India Embassy nih an chim. Minung 750,000 ca ah dose 1.5 million a rak phan.

May be an image of one or more people and people standing

Hi pin ahhin Myanmar ramkomh cozah nih India sin in 15 million dose a cawk rih. Cawk mi sii cu February thlachung ah a rak phan lai ti a si. A tu a phan cang mi hi ramchung ngandamnak rianṭuan hna ca ah a si i, Myanmar ramkomh chung ah cozah ngandamnak rianṭuan hi 101,000 an si tiah theih a si. Covidshield hi UK ram minthang AstraZeneca le India ram Serum Institute nih i bawm in an chuah mi a si.

May be an image of 1 person, standing and text that says "VT-PPK AIRBUS A321 the Governmento India's Contribution of 1.5 Million COVISHIELD Vaccine for Myanmar People Yangen 22.1.2021 2021"

I chunh ning cang: Hmaizarh thawk in ram mi minung 750,000 chunh an thawk cang lai. Hi khamsii hi voihnih chunh a si lai. State Counselor DASSK nih nizaan thawngthanhnak a thanh ning ah cun a voikhatnak hi hmaizarh chung ah chunh a si lai i, avoihnihnak (second dose) hi ni 28 chung ah chung a si lai ti a si.

May be an image of aeroplane

Kawl ramkomh ah chunh hmasabik ding mi hna hi ngandamnak lei rianṭuantu hna an si hmasa lai i, a changtu ah cozah upa hna sidawh an si. A dot thumnak chunh ding mi hna hi stay-at-home hmunhma ah khuasa mipi hna ca ah a si telai tiah State Counselor nih a chim. Atu lio Kawlram komh ah stay-at-home tang ah minung 11 million an um tiah theih a si. Ref: Chin Broadcasting Network

Leave a Reply