Thawngttha! Federal Ramkomh Sernak Kongah Daw Zin Mar Aung Thanhnak A Tuah Cang

Myanmar News

The Hakha Times: Federal Ramkomh ser nakding zatuak 80% aa lim” tiah Daw Zin Mar Aung nih chim! Federal Ramkomh ser nakding ah Tlangcung hriamtlai phu hna le Ramkheel party hna tonbiaruahnak kan ngei i zatuak 80% aa lim cang” tiah NLD party in Palai a tling mi atu lio caankar Ramdanglei Minister Daw Zin Mar Aung nih a chim.

May be an image of 2 people and indoor

“Hi tonbiaruahnak ah Tlangcung hriamtlai phu ngan deuh a si mi Kachin Independence Army “KIA”‘ Karen National Union “KNU” le Restoration Council of Shan State “RCSS” hna le Nationwide Ceasefire Agreement “NCA” minthu hriamtlai phu pin ah ramkheel party hna an i tel i zatuak 80% kan lim cang” tiah Daw Zin Mar Aung nih a chim. MBP

Relchih: Tuchun cu Yangon khuachung sandah piah tam deuh tawnnak (Hlaing Township Insein Rd- North Okkala- Tharketha- North Dagon- Thingankyun- Insein- Sule) ah ka kal dih. Ni dang he ai lo loh, sandah piahmi mibu pakhat hmanh ka hmu ti hna lo. Voidang cu mibu an um lo hmanh ah lampi an kham dih tawn, nain tuni cu lam ngan deuh an khammi pakhat hmanh ka hmu ti lo. Palek le ralkap nih an thianh dih cang.

Lung cu a tha lo ngai, nain mipi mawhchiat awk um lo, meithal in kah ding bawh peng ko ah cun chuah ngam ding a fawi lo cu ta. Caan a vun rau deuh lai i mipi kan thi a dai thai sual lai phan a um ngai. CRPH nih rianrang deuh mipi cawlcangh khawhnak ding lam thar an ser a hau bak ko cang, lamzawh le CDM lawng a za ti lo. Cattialtu: Salai Laungthi Tum

Leave a Reply