Thawngttha! Chinram Chung CDM a Lutmi Zung Rianttuantu 72% an Si Cang. March 10 tiang Chin ramkulh chung ah CDM a lutmi zung rianttuantu minung 14,000 leng an phan cang. Chinram ah cozah zung rianttuantu milu 20,000 fai an um i, minung 14,000 leng CDM ah an i tel caah zatuak in 72% a si. Hakha peng lawnglawng ah hin minung 3,000 hrawng CDM ah an lut i Hakha peng chung zung rianttuantu zapi zatuak in 92% hi CDM ah an i tel cang hna. Credit: The Chin Journal

Relchih: Rescue Task Force timi phu buainak kong tulio Kawlmi lakah a linsa ngai. Lam zawhmi runvengtu kan si lai. Thilri cawknak phaisa kan bawm u an ti i mipi nih ting thongkhat leng an bawmh hna. Nay Chi Oo hlutmi belte kha an khirh.

Nain RTF cu mipi vengtu ding caah dirhmi si loin phaisa kawlnak ca menmen a si diam. Founder cu ralbawi fapa a si i hlutmi phaisa cu amah pumpak leiba chamnak le motor luklak cawknak ah a hman diam ko. Cu vialte cu hacker phu nih RTF page an hack hnu ah theih dih a si.

Hakha zong ah Rescue Task Force an dirh ve i ramdang ummi sin phaisa bawmh an hal ti ka theih. A thatuk. Bawmh cio ding. Nain phaisa luhnak le phaisa hmannak cazin fiangfai tein a hlutu sin an langhter ve awk a si. Hakha RTF lutlai pakhat khi ka theihmi a si, har ton lio phaisa bawmh halnak ah a cawlcang kho ngai tawn. Nain tulio a Myday zoh tikah Hakha um hotel deuh ah caan a hmang mipi phaisa si hram hlah seh. By Salai Lungthli Tum